Quavo azaririmba mu buryo bwo guha icyubahiro Takeoff muri Grammy Awards 2023

Ku wa gatatu, The Recording Academy itegura Grammy Awards, yatangaje ko muri uyu mwaka harimo igice cyo kwibuka bamwe mu bahanzi bapfuye kuva mu mwaka ushize, kuva kuri Grammy Awards iheruka. 

Quavo azaririmba mu buryo bwo kwibuka Takeoff muri Grammy Awards 2023

Muri urwo rutonde biteganyijwe ko umuraperi Quavo azaririmba mu buryo bwo guha icyubahiro Takeoff, babanye mu itsinda rya Migos, muri ibi bihembo bizatangwa ku cyumweru, ku ya 5 Gashyantare, kuri Arena ya Crypto.com, i Los Angeles.

Nk'uko Hiphop Dx ibitangaza, Quavo azaririmba indirimbo yahimbiye Takeoff  yise 'Without You' afatanyije na korari Maverick City Music. Iyi ikaba ariyo ndirimbo aheruka yafatanyije na Vory, ikorwa na Zaytoven, Murda Beatz, Mike Dean n'abandi. 

Takeoff yapfuye arashwe ubwo bari bagiye mu mukino wa Dice, ari kumwe na mubyara we Quavo. Umusore w'imyaka 33 witwa Patrick Clark, uzwi mu gace ka Houston nka Dj Pat niwe ushinjwa ubwicanyi bwakorewe TakeOff.

Mu mezi yashize Clark yakomeje kugirwa umwere ndetse arekurwa muri gereza yishyuriwe miliyoni y'amadorari.