Iran yafatiye ibihano abantu 34 b'Abanyaburayi kubera kwihimura

Iki cyemezo igihugu cya Irani cyagifashe mu rwego rwo kwihimura kubera ibihano byafatiwe iki gihugu n'umuryango w'Ubumwe bw'Uburayi bwashinjaga Irani gukorera iyicarubozo abaturage baherutse kwigaragambya.

Ibi bihano Iran yabifatiye abantu 34 habarizwa mu Muryango y'Ubumwe bw'Uburayi ndetse abandi bafatiwe ibihano ni Abongereza.

Minisiteri y'Ububanyi n'Amahanga ya Iran yaavuze ko bimwe mu bihano byafatiwe abo bantu barimo no gufunga konti zabo z'amabanki ndetse no kubakumira guhererekanya amafaranga biciye muri banki yo muri icyo gihugu ndetse abo bantu ntibemerewe kwinjira ku butaka bw'icyo gihugu kubera ko batemerewe guhabwa Visa.

Iran imaze igihe ku gitutu cy'ibihugu byo mu Burayi byifatanya na Leta Zunze Ubumwe z'Amerika bakayishinja gufasha u Burusiya ikabuha ibikoresho bukoresha mu ntambara yo muri Ukraine.

Iki gihugu kandi gishinja bamwe mu bafatiwe ibihano gushyigikira umutwe y'iterabwoba bashinjwa guhamagarira abakora ibikorwa by'iterabwoba kubikomeza banashinjwa gukwirakwiza amakuru y'ibihuha bagambiriye guhindanya isura ya Iran.

Ubumwe bw'Uburayi bwamaganye ibyo bihano bavuga ko bishingiye ku nyungu za Politike mu gihe bemeza ko ibihano byafatiwe Iran byo bishingiye ku mategeko. Abafatiwe ibihano barimo Abongereza 9. abandi 25 mu babarizwa mu bihugu bitandukanye biri mu muryango w'Ubumwe  bw'Uburayi (Union Europenne).

Kuwa Mbere w'iki cyumweru, Umuryango w'Ubumwe bw'Ubumwe bw'Uburayi (U.E) wafatiye ibihano Iran ku nshuro ya kane kuva igihe imyigaragambyo yatangiriye muri icyo gihugu. Abayobozi 37 bafatiwe ibihano imitungo yabo iri mu Burayi yarafatiriwe. Uwo munsi Abongereza bahannye  abayobozi batanu ba Iran.

Inkomoko : BBC