Mu mpera z'iki cyumweru mu ikigo cy'urubyiruko (Kimisagara) hazabera irushanwa ry'Igikombe cy'Intwari rizitabirwa n'amakipe ane ya mbere muri shampiyona mu bagabo n'abagore.
Hari hashize icyumweru kimwe shampiyona ya Volleyball umwaka w'imikino 2022-23 ishyizweho umutemeri, aho imikino ya nyuma nayo yari yabereye Kimisagara muri Gymnase.
Mu gihe u Rwanda ruri mu myiteguro y'umunsi wahariwe intwari, no
muri siporo ntabwo bacikanwe aho imikino itandukanye yateguye amarushanwa yo
kuzirikana intwari z'u Rwanda.
Muri Volleyball kuri uyu wa Gatandatu no ku Cyumweru, ibiro biraba bivuza ubuhuha. Amakipe
ane ya mbere mu bagabo ndetse no mu bagore ni yo azitabira iri rushanwa.
Amakipe azitabira
Mu bagabo, REG VC yatwaye igikombe cya shampiyona, Gisagara VC yabaye iya 2, APR VC yabaye iya 3 na FOREFRONT VC yabaye iya 4 ni yo azaba ahatanira iki gikombe.
Naho mu bagore, APR WVC yegukanye igikombe cya shampiyona, FOREFRONT WVC yabaye
iya 2, RRA WVC yabaye iya 3 na Ruhango WVC yabaye iya 4, nazo zizaba
zabukereye.
Uko amakipe azahura
Ikipe ya mbere izahura n’ikipe ya 4, naho ikipe ya 2, ihure nikipe ya 3 mu mikino ya ½, ikipe zikomeje zizahure ku mukino wa nyuma ku cyumweru.
Imikino
izakinwa mu bagore ku wa Gatandatu tariki 28 Mutarama 2023:
11h:
APR vs Ruhango
13h:
Forefront vs RRA
Imikino
izakinwa mu bagabo ku wa Gatandatu tariki 28 Mutarama 2023
15h:
REG vs Forefront
17h:
Gisagara vs APR
Gisagara vc irashaka kwihorera kuri REG VC yayitwaye igikombe ku munota wa nyuma
Muri Gyminase iri Kimisagara niho imikino yose izabera
Buri kipe n'ubundi izakoresha abakinnyi yari ifite muri shampiyona
TANGA IGITECYEREZO