Kylian Mbappé yaraye akoze amateka yiyunga n'abafana-AMAFOTO

Mu mikino ya Coupe de France, ikipe ya Paris Saint-Germain yaraye itsinze umuba w'ibitego ikipe ya Us Pays de Cassel. Ni umukino wakinwe ejo saa tatu na mirongo ine n'itanu ubera kuri Stade Bollaert-Delelis, warangiye Kylian Mbappé afashije ikipe ye gutsinda iyi kipe yari yabakiriye ibitego 7-0. Kylian Mbappé w'imyaka 24, uyu niwo mukino wa mbere w'irushanwa yari akinnye ariwe kapiteni, ndetse anakoreramo amateka yo gutsinda ibitego 3 mu minota 11 gusa. 

Ibi bitego 3 yabitsinze ku munota wa 29,34 n’uwa 40. Igice cya mbere cyarangiye Paris Saint-Germain ifite ibitego 4, ikindi 1 cyari cyatsinzwe na Neymar ku munota wa 33.

Neymar ateruye Kylian Mbappé nyuma yo gutsinda ibitego 5 mu mukino umwe

Kylian Mbappé mu gice cya kabiri yakomeje kugaragaza inyota yo gutsinda bituma atsinda ibindi bitego 2, yabitsinze ku munota wa 56 n'uwa 79. Umukino warangiye uyu mukinnyi atsinze ibitego 5 muri rusange, aba uwa mbere ubikoze mu mateka y'ikipe ya Paris Saint-Germain. 

Mu bandi bakinnyi batsinze ibitego 5 mu mukino umwe ni Lionel Messi akina muri Fc Barcelona, Roberto Lewandowski akina muri Bayern Munich, Cristiano Ronaldo akina muri Real Madrid ndetse na Ramadel Falcao akina muri Rayo Vallecano. Muri rusange Kylian Mbappé amaze gukinira Paris Saint-Germain imikino 235 yatsinzemo ibitego 184.

Kylian Mbappé niwe wari Kapiteni