Umukinnyi wa West Ham United yatsinze ibitego 2 yishimiye mu buryo butangaje yerekana ko umugore we yitegura kwibaruka impanga, ni mu mukino batsindaga Everton.
Mu mpera z'icyumweru dusoje, shampiyona y'u Bwongereza yakomezaga. Amakipe amwe yaratunguwe andi aratsinda, bituma ava mu myanya mibi. Kuri uyu wa Gatandatu saa kumi n’imwe nibwo ikipe ya West Ham United yakiraga Everton.
Ni umukino wari ukomeye kubera ko aya makipe yombi yari ari mu myanya ya nyuma, ariko byarangiye ikipe ya West Ham itsinze ibitego 2-0 bihita bituma iyi kipe iva mu makipe ya nyuma ashobora kuzamanuka mu kiciro cya 2 shampiyona nirangira.
Jarrod Bowen yishimira igitego cya 2
Ibi bitego byagiyemo ku munota wa 34 no ku munota wa 41, byose byatsinzwe na Jarrod Bowen usanzwe akina anyura ku ruhande rw'iburyo. Igitangaje ni ukuntu uyu mukinnyi yishimiye ibi bitego 2 yatsinze nyuma y'amasaha macye umugore we abitangaje ko bitegura kwibaruka impanga (abana 2).
Mu magambo y'umugore wa Jarrod Bowen witwa Dani Dayer yari yashyize ku rubuga rwe rwa Instagram, yari yagize ati "Abana bacu bato b'impanga twishimiye guhura nabo, ibintu bidutunguye mu buzima ariko ni umugisha umuryango wacu ugiye kwaguka".
Nyuma y'uko uyu mukinnyi atsinze igitego cya 2 yakishimiye atanga ibimenyetso, aho yafashe umupira wo gukina awushyira mu mupira yari yambaye ndetse anashyira intoki 2 mu kanwa yerekana ko umugore we atwite impanga.
Jarrod Bowen n'umugore we bitegura kwibaruka impanga
Eng
RSS 
TANGA IGITECYEREZO