Kigali

Twagize ibihe by’umunezero - Israel Mbonyi ku bitaramo bibiri yakoreye muri Australia-AMAFOTO

Yanditswe na: Janvier Iyamuremye
Taliki:23/01/2023 10:42
0


Umuhanzi w'indirimbo ziramya zigahaza ikuzo Imana, Israel Mbonyi, yatangaje ko yafashije Abanyarwanda n'abandi batuye muri Australia kwegerana n'Imana mu bitaramo bibiri amaze gukorera kuri uyu Mugabane utuwe n'abantu Miliyoni 25.69 nk'uko Imibare ya Banki y'Isi yo mu 2021 ibigaragaza.



Uyu muhanzi uzwi mu ndirimbo zirimo 'Urukumbuzi', ku wa 25 Ukuboza 2022 yakoreye igitaramo cy'amateka mu Rwanda yise 'Icyambu Live Concert' yamurikiyemo album ze ebyiri cyabereye muri BK Arena.

Nyuma y'iminsi micye, ku wa 30 Ukuboza 2022 na tariki 1 Mutarama 2023, yafashije abarundi kurangiza neza umwaka mu bitaramo bibiri yahakoreye, binjira mu mwaka mushya.

Yakoze ibi bitaramo yari amaze no gutangaza uruhererekane rw'ibitaramo yise 'Icyambu Tour Australia 2023 Concerts' byateguwe na Rise and Shine World Inc bafatanyije na Jam Global Events.

Igitaramo cya mbere, uyu muririmbyi wiguriye ubuzima bwe Kristo yagikoze ku wa Gatandatu tariki 14 Mutarama 2023 muri Brisbane. 

Ni mu gihe igitaramo cya Gatatu yagikoze kuri uyu wa Gatandatu tariki 21 Mutarama 2023 mu Mujyi wa Sydney.

Ategerejwe kandi mu Mujyi wa Perth ku wa 28 Mutarama 2023, ku wa 4 Gashyantare 2023 azataramira mu Mujyi wa Melbourne, asoreze ibitaramo bye mu Mujyi wa Adelaide ku wa 11 Gashyantare 2023.

Mu kiganiro na InyaRwanda, Israel Mbonyi, yavuze ko igitaramo cya mbere yagikoze mu Cyumweru gishize kandi cyagenze neza, aho yifashishije abacuranzi b’aho.

Ati "Twabonye abantu benshi cyane bari bitabiriye. Hameze neza. Nakoresheje abacuranzi ba hano. Turatarama, tugira ibihe byiza by'umunezero, abantu baraza barishima..."

Israel Mbonyi akomeza avuga ko n’igitaramo yakoreye muri Sydney nacyo cyagenze neza. Ati "Ni igitaramo nakoreye mu Mujyi wa Sydney nacyo cyari cyiza cyane. Twagize ibihe byiza cyane."

Umujyi wa Sydney aho Israel Mbonyi yakoreye igitaramo uri ku mwanya wa 10 mu Mijyi ihenze kuyibamo ku Isi nk’uko bigaragazwa n’ikigo Economist Intelligence Unit (EIU) cyakoze ubushakashatsi mu ntangizo z’Ukuboza 2022.

Israel Mbonyi yatangaje ko abantu bamwakiriye neza- Aha ni mu Mujyi Brisbane- Uyu mujyi uteretse ku buso bwa 15,826 km²



Israel Mbonyi avuga ko akomeje urugendo rwo gufasha abantu kugirana ibihe byiza n'Imana



Mbonyi yavuze ko yifashishije abacuranzi bo muri Australia mu bitaramo ari kuhakorera


Mbonyi avuga ko muri ibi bitaramo yitaye cyane ku kuririmba ku ndirimbo zumvikana kuri album ze zirimo 'Icyambu' na 'Mbwira'

Ibitaramo nk'ibi byagutse biba ari umwanya mwiza wo gufata amafoto n’amashusho- Aha ni mu Mujyi Sydney 

Uruhererekane rw’ibitaramo ‘Icyambu Tour Australia 2023 Concerts’




KANDA HANO UREBE AMASHUSHO Y'INDIRIMBO 'YOU WON'T LET GO' YA ISRAEL MBONYI

">






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND