RFL
Kigali

Erling Haaland yatangiye kurusha imibare Ronaldo

Yanditswe na: ISHIMWE Olivier Ba
Taliki:23/01/2023 10:20
0


Rutahizamu w'ikipe ya Manchester City yakuyeho agahigo ka Ronaldo nyuma yo gutsinda ibitego 3 ikipe ya Wolves.



Kuri iki cyumweru Manchester City yari yakiriye ikipe ya Wolves baje no gutsinda ibitego 3-0 byose byatsinzwe na Erling Haaland ukomeje gutera benshi ubwoba. Haaland kuri ubu afite ibitego 25 bya shampiyona mu mikino 19 amaze gukina. 

Usibye gutsinda Wolves ibitego 3 mu mukino umwe, Haaland yatsinze n'amakipe arimo, Crystal Palace, Nottingham Forest na Manchester United.

Haaland w'imyaka 22, ni umwe muri barutahizamu bagoye gufata kuri ubu

Haaland yahise aba umukinnyi wa mbere utsinze ibitego 3 mu mukino umwe inshuro nyinshi mu mikino 19 ya shampiyona y'u Bwongereza. Yahise aca kuri Ronaldo watsinze ibitego 3 mu mukino umwe wa shampiyona inshuro 3 gusa. 

Umunyabigwi wa Newcastle, Shearer niwe ufite agahigo ko gutsinda ibitego 3 mu mukino umwe inshuro nyinshi muri shampiyona imwe aho yabikoze inshuro 5, ariko bishoboka ko Haaland nakomeza uku ashobora kuzakuraho aka gahigo.

Erling Haaland kandi yashyizeho agahigo ko kuba umukinnyi wa mbere muri shampiyona y'u Bwongereza utsinze ibitego 3 mu mukino umwe inshuro eshatu ikipe ye yakiriye.

Ibitego 3 arabitsinda umusubirizo 

Inguni arimo yose Haaland yagutsinda igitego






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND