Muhitira Félicien yabaye uwa 3 mu isiganwa rya Bangabandhu Sheikh Marathon 2023

Muhitira Félicien umunyarwanda uzwi cyane mu gisiganwa n'amaguru intera ndende, yari aherutse mu Rwanda mu irushanwa rusange rya Kigali night Run aho nyuma yaho yahise afata indege yerekeza mu gihugu cya Bangladesh. 

Mu gitondo cyo kuri uyu wa Gatanu nibwo iri siganwa ryakinwe aho ryitabiriwe n'abantu basaga ibihumbi 2 baturutse mu bice 2, ibirometero 21 ndetse n'ibirometero 42.

Muhitira Félicien ni umwe mu banyarwanda bazwiho kwiruka intera ndende, ndetse afite ibihembo yegukanye ki migabane itandukanye

Muhitira Félicien wirutse Marathon yuzuye, yabaye uwa 3 asizwe na Sitanley Kiprotich Bett ukomoka muri Kenya, wakiresheje amasaha 2 iminota 8 n'amasegonda 10. 

Ku mwanya wa kabiri haje Joseph Kyengo Munywoki nawe ukomoka muri Kenya, wakoresheie amasaha 2 iminota 8 n'amasegonda 50, Muhitira Félicien aza ku mwanya wa 3 akoresheje amasaha 2 iminota 9 n'amasegonda 18.  

Ryari irushanwa rya mbere Muhitira Félicien yitabiriye muri uyu mwaka nyuma yoho mu 2022 yitabiriye amarushanwa asaga 10. Bangabandhu Sheikh Mujib dhaka Marathon ni isiganwa ryatangiye gukinwa mu 2021, rikaba ryarashinzwe mu buryo bwo kuzirikana Sheikh Mujib. 

Abasaga ibihumbi 2,000 nibo bitabiriye iri siganwa