Muri Shampiyona ya Volleyball 2022-23 haraterwa ikiro cya nyuma

Kuri uyu wa Gatandatu no ku cyumweru muri Kigali harasozwa shampiyona y'umukino w'intoki wa Volleyball aho mu bagabo bitarasobanuka. Ni imikino y'umunsi wa 8 mu bagabo n'abagore aho abagabo ku wa Gatandatu bazakinira ku bibuga byo mu Busanza hanyuma imikino ya 1/2 n'umukino wa nyuma ikinirwe ku Kimisagara.

Abagabo barakinira ku bibuga byo mu Busanza ari na ho bakiniraga iyo ikipe yo muri Kigali yabaga yakiriye 

Mu bagore, bazakinira i Remera imikino yose, ariko umuhango wo gusoza nabo bazerekeza ku Kimisagara. Mu bagore, ikipe ya APR VC yamaze kwegukana igikombe cya shampiyona nyuma yo kwegukana agace ka 7 kari kabereye i Ngoma. 

APR WVC kuri ubu ifite amanota 49, igakurikirwa na Forefront ifite amanota 42 bivuze ko niyo Forefront yaba iya mbere agace ka nyuma itarusha amanota APR WVC.

APR WVC yegukanye shampiyona idatsinzwe

Mu bagabo ni ho umuriro ukiri mubisi, kuko REG VC na Gisagara VC zirushanwa inota rimwe. Nyuma yaho REG VC yegukanye agace ka karindwi kakiniwe i Ngoma, yahise irusha inota rimwe ikipe ya Gisagara VC kuko REG VC ifite amanota 50 mu gihe Gisagara VC ifute amanota 49.

Aya makipe ahanganiye igikombe, afite ayahe mahirwe?

Ubu REG irarusha inota rimwe ikipe ya Gisagara VC. Ubu REG irasabwa kugera ku mukino wa nyuma w'agace ka nyuma ka 8, ku buryo n’iyo yatsindwa na Gisagara VC bahuriyeyo bahita banganya amanota ubundi bakabara ikipe yatwaye uduce twinshi, kandi REG imaze kwegukana uduce 4 ubu niyo ya mbere.

Kugira ngo Gisagara VC yegukana shampiyona, birasaba ko igera ku mukino wa nyuma mu gace ka nyuma ndetse ikakegukana, ubundi REG nayo ikaza mu makipe 3 gusubiza inyuma.

REG VC niyo ihabwa amahirwe yo kwegukana igikombe mu bagabo 

Gisagara VC nta kosa na rimwe igomba gukora niba ishaka kwisubiza ijambo 

Urutonde rusange mu bagabo 

Urutonde rusange mu bagore