RFL
Kigali

Kenya: Umuntu wa mbere ufite ubumuga bwo kutabona yabaye umupadiri

Yanditswe na: Ngabonziza Justin
Taliki:16/01/2023 0:55
0


Mu gihugu cya Kenya, umuntu wa mbere ufite ubumuga bwo kutabona yahawe isakaramentu ry'ubusaseridoti.



Kuwa Gatandatu tariki ya 14 Mutarama 2023, uwari umudiyakoni Michael Mithamo King'ori  yaherewe isakaramentu ry'ubusaseridoti muri Arkidiyosezi Nyeri  mu gitambo cya Misa, cyatuwe na Arkiyepiskopi Anthony Muheria.

Mu butumwa bwatangajwe na Radiyo Maria Kenya ku mbuga nkoranyambaga zayo, bwagiraga buti: "Turi mu byishimo byo   gushimira Imana kuko abakiristu ba Kiliziya Gatolika muri Kenya biboneye umuhango udasanzwe, wo guha isakaramentu ry'ubusaseridoti umupadiri wa mbere ufite ubimuga bwo kutabona, Rev Deacon Michael Mithamo King'ori wo muri Arikidiyosezi Gatolika ya Nyeri."

Ubutumwa bwakomezaga buti: “Hamwe n'Imana, byose birashoboka." “Turashimira Padiri Michael Mithamo kandi turashimira Musenyeri Anthony Muheria, kuba yaramufashije guhabwa isakaramentu ry'ubusaseridoti.”

Mbere y’uko ashyirwaho, Mithamo yari umudiyakoni muri  Arikidiyosezi Gatorika ya Nyeri.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND