Umugabo yiciwe muri Iran n'inzego z'umutekano azira kwishimira ko ikipe y'igihugu ya Leta Zunze Ubumwe za Amerika yatsinze ikipe y'igihugu ya Iran, mu mikino y'igikombe cy'isi cy'uyu mwaka kiri kubera muri Qatar.
Uyu mugabo w'imyaka 27 witwaga Mehran Samak byatangajwe ko yishwe n'inzego z'umutekano kuwa Kabiri mu ijoro, ari nawo munsi ikipe y'igihugu ya Iran yasezerewe mu mikino y'igikombe cy'isi itsindwa na Leta Zunze Ubumwe za Amerika igitego 1 ku busa.
Nk’uko ibinyamakuru byinshi byo muri Iran bibitangaza birimo ikinyamakuru giharanira uburenganzira bwa muntu kitwa NGO, Mehran Samak yishwe n'inzego z'umutekano nyuma yo kwihuza n'abandi baturage benshi bigaragambyaga mu muhanda wa Bandar-e Anzali, ni mu mugi wo mu majyaruguru ya Iran.
Umugabo wishwe azira kwishimira ko USA yatsinze Iran
Amakuru akomeza avuga ko uyu mugabo yari yicaranye n'umukobwa bakundanaga, maze abashinzwe umutekano baraza bamukura muri iyo modoka bahita bamurasa. Samak Mehran akimara kuraswa, umukunzi we yaje amukura mu muhanda amushyira mu modoka amujyana mu bitaro biherereye hafi aho, ariko nyuma byatangajwe ko yapfuye.
Abanya Iran benshi ntibigeze bafasha ikipe y'igihugu yabo muri iki gikombe cy'isi bitewe n’uko bashaka impinduka mu gihugu cyabo, ndetse n'abakinnyi b’ikipe y'igihugu ya Iran ku mukino wa mbere banze kuririmba indirimbo yubahiriza igihugu mu buryo bwo kwigaragambya, ariko nyuma bategekwa kuyiririmba.
Ikipe y'igihugu ya Iran isezererwa n'ikipe y'igihugu ya Leta Zunze Ubumwe za Amerika itsinzwe igitego 1-0
Eng
RSS 
TANGA IGITECYEREZO