Kigali

JP Musenge yinjiye mu ruhando rw’abahanzi baririmbira Imana

Yanditswe na: InyaRwanda
Taliki:1/12/2022 9:28
0


Musengimana Jean Pierre ukoresha amazina ya JP Musenge, yinjiranye mu muziki indirimbo ye ya mbere yise “Isi Ndagiye”, akaba ari nayo ya mbere yashyize hanze.



Yabwiye InyaRwanda ko ari imwe mu ndirimbo nyinshi afite mu bubiko, yatangiye kwandika kuva kera ariko ubu akaba ari bwo yabonye ubushobozi bwo gutangira kuzishyira hanze.


Muri iyi ndirimbo hari aho aririmba ati “Muri iyi si nta mahoro ni imiruho n’amahane, icyo nkeneye sinkibona ariko ku munsi mukuru ubwo nzabona umwami nziruhutsa mbonye Yesu. Nzabwira iyi si nti urabeho.”


Yavuze ko yagize igitekerezo cy’iyi ndirimbo kubera ibibazo n’intambaro, indwara z’ibyorezo n’ibindi byinshi bihangayikishije benshi.


Uyu mugabo w’imyaka 43 yavukiye mu Ntara y’Amajyepfo, mu karere ka Kamonyi. Avuka mu muryango w’abana bane akaba ari uwa gatatu. yarushinze mu 2014, afite abana babiri.


Iyo yivuga yigaragaza nk’umuntu wakuze akunda umuziki cyane, ati “Kuva mu bwana bwanjye najyaga ntsinda isomo rya muzika ku ishuri, abantu bumva ngo mbizi cyane. Gusa impano y'ubuhanzi natangiye kuyiyumvamo muri 1996 nyuma y'icyumweru kimwe mbatijwe mu mazi menshi.”


Arakomeza ati  “Ubwo nibwo natangiye kwandika indirimbo nkajya nziha amakorari nagiye mbarizwamo atandukanye. Gusa n'ubwo nabaga mu makorali nari mfite ikifuzo cyo gukora umuziki ku giti cyanjye kuko imyandikire yanjye yakomeje kugenda itera imbere.”


Avuga ko bitahise bimukundira gukora umuziki ahubwo byamusabye gutegereza igihe gikwiriye. Ati “Abanyarwanda banyitege! Nta muhanzi mfatiraho urugero kuko ahubwo ari umuhanzi nkunda imyandikire iye n'ukuntu atwara ubuhanzi bwe, uwo ni Alexis dusabe.”




JP Musenge yashyize hanze indirimbo ya mbere ya Gospel yise "Isi Ndagiye"

KANDA HANO UREBE

">







TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND