Kigali

Igikombe Cy'Isi: Mukansanga Salima agiye kongera gusifurira u Bufaransa

Yanditswe na: Ngabo Mihigo Frank
Taliki:29/11/2022 11:30
1


Umusifuzi mpuzamahanga w'umunyarwandakazi, Mukansanga Salima agiye kongera gusifurira ikipe y'igihugu y'u Bufaransa mu mikino y'igikombe cy'Isi kiri kubera mu mijyi itandukanye ya Qatar.



Salima yatoranijwe mu basifuzi bayoboye igikombe cy'isi ndetse agaragara ku kibuga bwa mbere mu mukino wo ku ya 23 Ugushyingo, warangiye u Bufaransa butsinze Australia ibitego 4-1.

Impuzamashyirahamwe y'umupira w'amaguru ku isi 'FIFA', yamaze kugaragaza uyu munyarwandakazi ku rutonde rw'abazayobora umukino w'u Bufaransa na Tunisia ku ya 30 Ugushyingo 2022.

Aya makipe yombi ari mu itsinda D, azacakiranira mu mukino wa nyuma w'amatsinda uzabera kuri Stade ya Education City iri mu Mujyi wa Al Rayyan, uhereye i Saa 17:00 ku isaha y'i Kigali.

Mukansanga Salima w'imyaka 34 y'amavuko, ni umwe mu bagore batatu batoranirijwe na FIFA kuyobora imikino y'igikombe cy'Isi, aho ari kumwe n'Umufaransakazi, Stephanie Flappart n'Umuyapanikazi Yamashita Yoshimi.

Mukansanga Salima yigaragaje mu mukino w'u Bufaransa na Australia






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • k2 months ago
    iyo Imana yafunguye umuryango nta numwe wara kuwukinga uyu mukobwa yigendanira amhirwe gusa kaandi disi ni umwana mwiza nagiye numva interview ze aba atuje hahirwa umusore uzamwegukana



Safari

Inyarwanda BACKGROUND