Rutahizamu w'ikipe y'igihugu ya Brazil, Neymar Jr, yaraye avuye mu kibuga acumbagira, ibintu byateye ubwoba abakunzi be n'abakunzi b'umupira w'amaguru muri rusange.
Kuri
uyu wa Kane ni bwo Brazil yakinnye umukino wayo wa mbere w'igikombe cy'Isi 2022
yahuyemo na Serbia iyitsinda ibitego 2-0 byose byatsinzwe na Richarlison.
Muri
uyu mukino, Neymar yasohotse mu kibuga arimo kubabara ndetse acumbagira nyuma yo
gukandagirwa na Nikola Milenkovic wari wahereye kare yamwitendetseho dore ko mu
makosa 12 Neymar yakorewe harimo 9 y'uyu mugabo.
Ubwo
yasohokaga ku munota wa 80, Neymar yagaragaye ku ntebe y'abasimbura yipfutse
umupira mu maso, ndetse arimo kurira abenshi bahise babyibazaho ndetse bavuga
ko uyu mukinnyi ashobora kuba asoje urugendo rwe mu gikombe cy'Isi uyu mwaka.
Nyuma
y'umukino, umutoza wa Brazil, Tite yamaze impungenge abakunzi ba Brazil avuga ko
Neymar azaguma gukina. Yagize ati "Arakomeza kugaragara mu gikombe
cy'Isi, nawe biriya byakubaho. Yagize ububabare, gusa ahitamo kuguma gukina
n'ubwo nyuma byaje kwanga."
Neymar yagaragaye arimo kurira nyuma yo gusimburwa, byateye ubwoba abantu benshi
Tite
yakomeje avuga ko umuganga ari we uzabaha igisubizo. Ati: "Umuganga wacu Rodrigo
Lasmar yadusabye amasaha 24 akareba uko Neymar amerewe ubundi akaduha
igisubizo".
Mu
gihe Neymar atakomezanya na Brazil, byaba bibaye ku nshuro ya kabiri mu gikombe
cy'Isi nyuma ya 2014 ubwo Brazil yari yacyakiriye, Neymar akaza kuvunika mu mukino wa 1/4 cy'irangiza bakina na Colombia, byatumye mu mikino ya 1/2 basezererwa
n'Abadage bagayitse ibitego 7-1.
Akagombambare ka Neymar ni ko katumye adakomeza gukina
Amakosa asaga 12 Neymar yakorewe yatumye aba umukinnyi wa mbere ukorewe amakosa menshi mu mukino umwe mu gikombe cy'Isi cy'uyu mwaka
TANGA IGITECYEREZO