NKORE IKI: Umugabo wa Mama yampaniye mu ruhame kandi nkuze mukubita urushyi banyirukana

Uyu mukobwa witwa Yaa Poua, yagize ati: “Nabanye na papa wanjye ndetse n’umugore we kuva ndi umwana muto cyane. Ntabwo nigeze menya ko umudamu witwaga Jemima, ariwe wambyaye.

Umunsi umwe twaramusuye, maze papa wanjye arambwira ngo ni Masenge dore ko atuye hafi yacu. Mu minsi yashize rero naje kugira ikibazo ndarwara, maze biba ngombwa ko njyanwa kwa muganga.

Jemima yaje kundeba ku bitaro maze ambwira ukuri kose papa yampishe, ambwira ko ndi umukobwa we. Papa wanjye yaramurakariye cyane kuko yambwiye ukuri. Kuva uwo munsi numvaga najya kwibanira na mama, ariko papa namusaba uruhushya ntanyumve akarunyima. Ntabwo nihanganira ko atampa umwanya, mu minsi yashize nisanze natangiye kumunanira.

Navuye mu rugo nta muntu n’umwe ubizi, maze njya kureba mama wanjye wa nyawe ari nawe wambyaye. Ubwa mbere nkimara kuhagera, ibintu byasaga nk'aho ari byiza, gusa uko iminsi yakomeje kugenda yigira imbere niko ibibazo byakomeje kugenda byiyongera kuko nabo batangiye kunyita inkubaganyi.

Umunsi umwe, umugabo wa mama yaramfashe arampana, ampanira imbere y’abaturanyi numva ntewe isoni cyane ndangije mukubita urushyi. Bansabye kubasaba imbabazi, gusa nabo ntabwo bigeze bamfata neza.

Hashize icyumweru ngezeyo, mama wanjye yaransohoye kubera ko yambeshyeye ngo namuvuzeho amazimwe. Ubu nabuze aho najya, kandi sinasubira kureba papa kuko namutaye. Mungire inama, nkore iki”.