BePawa
Kigali

Byinshi kuri filime ‘Card’ igiye gusohoka

Yanditswe na: Janvier Iyamuremye
Taliki:23/11/2022 11:07
0


Umwanditsi wa filime unaziyobora, Mizero Yves yatangaje ko agiye gushyira ahagaragara filime y'uruhererekane ye nshya yise "Card" igaragaramo abakinnyi bakomeye.



Iyi filime ‘Card’ irimo inkuru nyinshi zitandukanye nziza cyane ariko inshingiye ku mukobwa w’imyaka 23 y’amavuko witwa Kavia uba waravutse yisanga abana na Nyina wabo atazi ababyeyi be bamubyaye.

Mu gukura kwe, yakuriye mu buzima bubi, aho yafatwaga nabi na Nyina wabo kugeza aho yaje gufata umwanzuro wo kugenda atazi aho agiye ubuzima bugumya kwanga.

Uyu mukobwa yaje guhura n’umugabo w’imyaka 51 y’amavuko witwa Portai, ubuzima bwe buhita buhinduka.

Nyuma Kavia yisanze mu ihurizo ryo kureka uwo akunda cyangwa se akabura ibyo yaramaze kugeraho byose bigatuma yasubira mu buzima yakuriyemo.

Yves Mizero uri gutegura iyi filime, yabwiye InyaRwanda ko iyi filime ye ikubuyiyemo ubutumwa bwinshi bugiye butandukanye.

Igaragaza ko igihe ubuzima wavukiyemo butakubereye bwiza ‘atari ryo herezo ry’uko ugomba kubusoza’. Avuga ko ‘hari n’amahitamo uhitamo abantu bakagufata ukundi kandi atari ko umeze ahubwo ntakundi wari kubigenza’.

Yavuze ati “Inagaragaza ko tutagakwiriye guha uburenganzira undi muntu kuyobora ubuzima bwacu kuko birangira ari twe ku giti cyacu tubibariyemo undi atuje. Muri macye ubwo nibwo butumwa uzasangamo.”

Mizero avuga ko iyi filime izasohoka mu minsi iri imbere n’ubwo bataremeza itariki neza.

Uyu musore asanzwe ari umwanditsi wa filime unaziyobora. Ni we wakoze filime yakunzwe cyane yitwa ‘The Secret’, ‘Waz you’ n’izindi ziri kuri Youtube.

Iyi filime 'Card' igaragaramo Ntwari Aimable, Karake Abayisenga Patrick, Mutoni Sandra Olivia, Kayonga Gatesi Divine (Tessy), Irakoze Eliane (Yanakinnye muri Waz You), Uwizeyimana Bertin, Irumva Leah (Ni umukinnyi mushya), Irakoze Ariane Vanessa n'abandi bashingiyeho iyi filime.      

Ntwari Aimable 

Karake Abayisenga Patrick 

Mutoni Sandra Olivia


Kayonga Gatesi Divine (Tessy)


Irakoze Eliane (Yanakinnye muri Waz You)


Uwizeyimana Bertin


Irumva Leah (Ni umukinnyi mushya) 

Irakoze Ariane Vanessa 


Byatangajwe ko Filime 'Card' izasohoka mu minsi iri imbere 

REBA HANO KIMWE MU BICE BYA FILIME ‘THE SECRET’

 ">

REBA HANO KIMWE MU BICE BYA FILIME ‘WAZ YOU’

">






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND