RFL
Kigali

Kuki mu mikino y'igikombe cy'Isi hari kongerwaho iminota myinshi?

Yanditswe na: ISHIMWE Olivier Ba
Taliki:23/11/2022 10:01
0


Iminota iri kongerwa mu mikino y'igikombe cy'Isi kiri kubera muri Qatar yabaye igitangaza ndetse n'inkuru kuko bitari bisanzwe.



Alieza Beiranvand ufatira Iran aherutse kugira ikibazo cy'imvune byatumye umusifuzi yongeraho iminota 14 nyuma y'igice cya mbere, ibintu bitari bimenyerewe mu mupira w'amaguru ko igice cya mbere cyakongerwaho iminota ingana uko. 

Nibura mu mikino 8 imaze gukinwa imaze kongerwaho iminota isaga 100, bivuze ko hari iminota ingana n'umukino imaze gukoreshwa mu nyongera. Umukino wa Iran n'u Bwongereza wakinwe igihe kigera ku minota 117 n'amasegonda 16, byari bibaye ubwa mbere ko umukino wakinwa iminota ingana uku umukino utari mu minota 30 ya kamarampaka.

Ibi ntabwo byagarukiye ku mukino wa Iran kuko no kuri uyu wa Kabiri, ku mukino wa Saudi Arabia na Argentina hongeweho iminota 14 mu gice cya kabiri.

Impuzamashyirahamwe y'umupira w'amaguru ku Isi, FIFA, ivuga ko impamvu yo kongeraho iyi minota ari ukugira ngo hishyurwe iminota iba yatakaye mu mukino hagati binyuze mu mvune, kureba ibyemezo ku mashusho, gusimbuza, gutanga penariti ndetse n'ikarita itukura. 

Iminota iri kongerwa ku mukino iri gutera urijijo benshi

Umuyobozi wa FIFA ushinzwe abasifuzi, Pierluigi Collina, mbere y'uko imikino y'igikombe cy'Isi itangira, yavuze ko abantu bazabona iminota minshi y'inyongera kuko bashaka ko hari iminota izajya yishyurwa yatakaye mu mukino. 

Yagize ati: "Ibaze nk'umukino urimo ibitego 3 mu gice cya mbere, bivuze ko nibura iminota 5 itakara abakinnyi bari kwishimira ibyo bitego. Muzabona iminota myinsi y'inyongera ku buryo butari busanzwe."

Imikino imaze kongerwaho iminota myinshi: Umukino w'u Bwongereza na Iran mu gice cya mbere wongeweho iminota 13 n'amasegonda 59, Argentina na Saudi Arabia wongerwaho iminota 13 n'amasegonda 53, umukino w'u Bwongereza na Iran wongerwaho iminota 13 n'amasegonda 5 mu gice cya kabiri, umukino wa USA na Wales wongerwaho iminota 10 n'amasegonda 32, umukino wa Senegal n'Abahorandi wongerwaho iminota 10 n'amasegonda 3. 

Imvune z'abakinnyi ziri mu bituma iminota yiyongera 

Ibyemezo by'abasifuzi igihe bimara nacyo kiri kubarwa 

Iminota y'amakarita nayo izajya irebwaho 

Kwishimira igitego byo ngo bitwara iminota bikayimara






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND