RFL
Kigali

U Bushinwa: COVID-19 yongeye kwadukana imbaraga, hafungwa ibihuza abantu benshi

Yanditswe na: Ngabo Mihigo Frank
Taliki:22/11/2022 8:32
0


Indwara ya COVID-19 yongeye kwadukana ubukana i Beijing mu murwa mukuru w' u Bushinwa, ibikorwa bihuza abantu benshi birimo amashuri n'amasoko bihita byongera gufungwa.



Guhera Kuwa Kane w'Icyumweru gishize, abayobozi b'inzego z'ubuzima muri Beijing bakomeje kuvuga ko COVID-19 yongeye gufata abantu bamwe na bamwe, bityo buri muturage asabwa gukaza ingamba zo kwirinda.

Kuwa Gatandatu tariki 20 Ugushyingo, umugabo w'imyaka 87 yahitanywe n'iki cyorezo ndetse ku Cyumweru gihitana undi, nyuma y'uko hari hashize amezi 6 nta muntu wicwa na COVID-19 i Beijing.

Kugeza mu masaha y'umugoroba wo Kuwa Mbere (Ejo hashize), hari hamaze kubarurwa abantu basaga 3000 bose banduye COVID-19 ndetse biratekerezwa ko hari benshi bayanduye bataragaragara.

Ubuyobozi bw'umujyi wa Beijing bwategetse ko ibikorwa bihuza abantu benshi nk'amasoko manini, amashuri n'ibikorwa by'imikino bihagarikwa mu gihe hakigaragara umubare munini w'abandura.

Beijing yongeye kwadukirwa na COVID-19 nyuma y'uko hari uduce tw'umujyi wa Gouangzou natwo turimo abaturage benshi bayirwaye ndetse tumwe na tumwe twashyizwe muri gahunda ya Guma Mu Rugo.

Iki cyorezo cyumvikanye bwa mbere ku isi mu mpera za 2019 aho n'ubundi cyatangiriye mu Bushinwa, nyuma kigakwirakwira ku isi yose mu mwaka wa 2020 na 2021.

U Bushinwa bimaze igihe bwarashyizeho gahunda yo kurandura burundu COVID-19 yiswe 'Zero Covid Policy' ariko kugeza n'ubu ntakintu irageraho cyihariye, mu gihe hari Ibihugu bimwe na bimwe bivuga ko byamaze kurandura iyi ndwara burundu.



Source: Reuters






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND