BePawa
Kigali

Lionel Messi yahagaritse gukina igikombe cy'Isi

Yanditswe na: ISHIMWE Olivier Ba
Taliki:7/10/2022 9:14
0


Harabura iminsi itagera kuri 50 ngo Isi yakire imikino y'igikombe cy'Isi kizabera muri Qatar, gusa mbere y'iri rushanwa abakunzi b'umupira w'amaguru bakiriye inkuru ikomeye.



Rutahizamu w'ikipe ya PSG ndetse n'ikipe y'igihugu ya Argentina, Lionel Messi, yatangaje ko imikino y'igikombe cy'Isi igiye kubera muri Qatar izaba ari iya nyuma kuri we nk'uko abyiyumvamo.

Ibi yabitangaje mu kiganiro yagiranaga na ESPN aho yemeje ko nta kindi gikombe cy'Isi azongera gukina nyuma y'ikizabera muri Qatar. 

Yagize ati: "Mu byukuri iki ni cyo gikombe cya nyuma cy'Isi ngiye gukina. Ndimo ndabarira iminsi ku ntoki,  imikino y'igikombe cy'Isi ni imwe mu mikino ishimisha ariko nanone iteye ubwoba". 

"Mu mikino y'igikombe cy'Isi buri kimwe kiba gishoboka, buri mukino uba ukomeye, ndetse akenshi abahabwaga amahirwe usanga batashye nabi. Sinzi niba kuri iyi nshuro duhabwa amahirwe, ariko kubera amateka Argentina ihora ari umukandida."

Imikino y'igikombe cy'Isi kizakurikira icyo muri Qatar ubwp ni mu 2026, izasanga Messi afite imyaka 39 

Lionel Messi amaze gukina ibikombe by'Isi bigera kuri 4 aho yatsinzemo ibitego 6 atanga imipira 5 ivamo ibitego mu mikino 19 amaze gukina. Mu 2014, ikipe ye y'igihugu yabaye iya kabiri ari wo mwanya mwiza Messi afite, gusa mu 2021 yaje kwegukana igikombe cya Copa America byatumye kuri iyi nshuro igikombe asigaje kwegukana ari igikombe cy'Isi.

Lionel Messi yakiniye Argentina bwa mbere mu 2005, akaba amaze gukina imikino 164, atsindamo ibitego bigera kuri 90. Ejobundi nakina igikombe cy'Isi cya 5 azaba anganyije na Diego Maradona na Javier Mascherano bavuka hamwe.

Messi azaba ari umwe mu bakinnyi bitezwe na benshi muri Qatar






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND