Jamali Musiala ni muntu ki wabaye isereri mu mitwe y’ikipe y’igihugu y'Abongereza?

Jamali Musiala yavutse mu kwezi kwa kabiri tariki 26 muri 2003, afite ibiro 70 n’uburebure bwa 1.83 m. Uyu mwana w’imyaka 19, afite se w’umunya Nigeriya naho nyina akaba ari umudage, gusa yakuriye mu Bwongereza.

Musiala akina muri shampiyona y’Abadage ya Bundesiriga mu ikipe ya Bayern Munich. Uyu mukinnyi afite ubushobozi bwo gukina ku myanya ibiri kuko ashobora gukina anyura ku ruhande rw’ibumoso (left winger) cyangwa agakina anyura mu kibuga hagati yataka (attacking midfielder).

Mu kwezi kwa 07 muri 2019 yavuye muri Chelsea yerekeza muri Bayern Munich afite imyaka 16. Mu kwezi kwa 06 muri 2020 ni bwo yinjiye mu kibuga asimbuye mu gice cya kabiri, uba n'umukino wa mbere akinnye muri Bayern Munich. Byarangiye batsinze ibitego 3-2.

Kuwa 20 z'uko kwezi n’ubundi, noneho yabanje mu kibuga aba umukinnyi wa mbere ukinnye Bundesiriga akiri muto kuko yari afite imyaka 17 n’iminsi 115. Musiala yari ari mu bakinnyi batwaye Champions League ya 2019-2020 nubwo atagaragaye mu kibuga.

Mu kwa 11 muri 2020, ni bwo bwa mbere yahamagawe mu ikipe y’igihugu y'Abongereza y'abatarengeje imyaka 21 kuko ni yo yari yarahisemo gukinira aho guhitamo Abadage. Ibyo bikimara kuba, ishyirahamwe ry’umupira w’amaguru mu Budage ryatangaje ko rirekeye gukurikirana Musiala.

Impamvu zatangajwe na Musiala yavuze ko impamvu yahisemo gukinira Abongereza ari uko yakuriye muri Chelsea bityo akaba aziranye n’abakinnyi b'Abongereza kurusha Abadage. Bidatinze, Musiala yaje kwisubiraho kuko tariki 24 z'ukwa 2, 2021 yatangaje ko ahisemo gukinira igihugu yavukiyemo cy’u Budage mu mikino yose y’igihugu.

umutoza w’igihugu cy’u Bwongereza Gareth Southgate ubwo bari bamaze kunganya ibitego 3 kuri 3 n’Abadage, mu kiganiro n’itangazamakuru yatangaje ko ari ikimwaro kuba barananiwe kwemeza Jamali Musiala ngo akinire Abongereza kuko ari umukinnyi w’umuhanga isi ifite.

Musiala, muri uyu mwaka amaze gukina imikino 7 ya shampiyona, yatsinze ibitego 5 anatanga imipira 3 ivamo ibitego. Ubu bari kuvuga ko uyu mukinnyi ari we uzasimbura Roberto Lewandowski mu gutsinda ibitego muri shampiyona y'Abadage.

Jamali Musiala ushobora kuzasimbura Lewandowisk