Nyuma y'imvune no gusaza Zlatan Ibramovic yashatse icyatuma avugwa ahitamo gukina filime.

Umukinnyi wa Ac Milan w’imyaka 40 n’uburebure bwa 1.95m wambara nimero 11, Zlatan Ibramovic ubushaka icyatuma avugwa buri munsi, nyuma y’uko amaze igihe kinini mu mvune yashatse ikindi gituma avugwa ndetse akaninjiza amafaranga ahitamo kujya gukina muri filime y’abafaransa yitwa Asterix & Obelix, iyobowe n'umugabo witwa Guillaume Canet. Mu mashusho matoya  yanyujije ku mbuga ze nkoranyambaga harimo Instagram, Twiter ndetse n’izindi, agaragara akina akina muri iyi filme. Iyi filime yitwa Asterix & Obelix, Zlatan azayikinamo yitwa Caius Antivirus ndetse akazakina ari umutware w’abasirikare ba Roma, aho n’ubundi azaba ari gukoresha ubumenyi yari asanganywe muri karate. Uyu mukinnyi yatangaje ko azava mu mupira burundu amasezerano ye  yasinyanye na Ac milan y’umwaka umwe narangira. Usibye Zlatan Ibramovic ugaragaye muri filime, hari n’abandi bakinnyi b'umupira w’amaguru  bagaragaye mu yandi ma filime harimo nka Ronaldinho wakinnye mu yitwa kick boxer, Neymar wakinnye mu yitwa XXX :return of xander cage,  Zidane muri 2008 yakinnye mu yitwa Asterix at the Olympic Games ndetse hari n’abandi bakinnyi benshi bagiye bagaragara mu mafilime.

Ibramovic ukinira Ac Milan usibye ko ubu yavunitse.

Yanditswe na Niyonyungu Aloys-Inyarwanda