Umuholandi, Mathieu Van der Poel uri mu ba mbere ku isi mu gusiganwa ku magare, yasoje Shampiyona y'isi atawe muri yombi ndetse aciwe amande, azira gukubita abakobwa babiri bo muri Australia.
Kuva ku ya 18 kugeza ku ya 25 Nzeri 2022, i Wallogong muri Australia hakiniwe amasiganwa ya Shampiyona y'isi y'amagare, ahitabiriye abakinnyi bo mu bihugu bisaga 80, bisanzwe ari abanyamuryango b'impuzamashyirahamwe y'uyu mukino ku isi.
Ku munsi wa nyuma w'amasiganwa, Van Poel yatawe muri yombi n'inzego z'umutekano za Australia, akurikiranyweho gukubita abakobwa babiri bakoraga muri Hoteli yararagamo.
Polisi ya Australia yavuze ko Mathieu w'imyaka 27 y'amavuko, yahohoteye abakobwa babiri, avuna umwe akaboko naho undi aramusunika yitura hasi.
The Guardian yanditse ko ibi Mathieu yabikoze abitewe n'umujinya yakomoye ku kuba abo bakobwa baranyuze ku muryango w'icyumba cye, bakajya bakomanga kenshi, yakingura bagahita biruka, byari bigamije kumwiyenzaho.
Mathieu V.D Poel
Nyuma yo gutabwa muri yombi, Mathieu yatakambiye inzego z'umutekano afatanyije n'abayobozi b'ikipe y'igihugu y' u Buholandi, ararekurwa ariko ategekwa ko agomba gutanga amande y'Amadorari y'America 1500 kugira ngo azemererwe kugaruka muri Australia.
Mu gitondo cyo kuri uyu wa 26, Der Poel yarekuwe atahana n'abandi i Amsterdam, ariko ahita atangaza ko azafatanya n'umunyamategeko we bakajuririra ibyemezo byamufatiwe mu rukiko rw'ibanze.
Mathieu van der Poel asanzwe ari umwe mu bakinnyi bakomeye mu magare by'umwihariko mu masiganwa y'ubwoko bwa 'Cyclo Cross' yatwayemo imidari ya zahabu ya Shampiyona y'isi muri 2015, 2019, 2020 na 2021.
Mu masiganwa asanzwe (Road race), naho ni umwe mu bakinnyi bahagaze neza, kuko ahangana muri Tour de France, Giro d'Italia na Vuelta Espana kandi akaba yarabashije gutwara amasiganwa akomeye y'umunsi umwe nka Strade - Bianche, Tour of Flanders n'andi menshi.
Eng
RSS 
TANGA IGITECYEREZO