Pastor John utuye ku mugabane w'Uburayi muri Scandinavia yasogoye indirimbo ya mbere kuri Album ye ya mbere "Intashyo", ahera ku yitwa "Turakumbuye" yagiye hanze ejo hashize.
Pastor John yashyize hanze "Turakumbuye", indirimbo ibyinitse igaragaza ababyina mu mafoto gusa. Yifuza ko ibyiza byose byo kuramya no guhimbaza Imana byagera ku banyarwanda n'abumva ikinyarwanda ari nayo mpamvu yakoze iyi ndirimbo. Master P uzwi nka Peter Bisangwa ni we mujyanama we (Manager) ku bijyanye n'ibihangano bye.
Album ya mbere ya Pastor John iriho indirimbo 8 arizo: "Turakumbuye", "Intashyo", "Umwungeli mwiza", "Imana niyo igira ibanga", "Bahe amahoro", "Ikora uko ishaka", "Imbabazi" na "Hunga satani". Ni indiimbo ziboneka kuri channel yitwa "Inganzo Ituje".
Uyu muhanzi ubifatanya no kuba Pasiteri mu buzima busanzwe, amaze gukora indirimbo 8 ziri kuri Album ye ya mbere, akaba ateganya gukora indi album y'indirimbo zizihiza ubukwe ndetse n'iyogeza butumwa bwiza nk'uko inyaRwanda yabitagarijwe na Manager we Master P.
Iyi ndirimbo yasohoye "Turakumbuye" irimo ubutumwa busaba abakristo basubiye inyuma kongera kwibuka ibihe byiza bahoranye bakagaruka ku isoko. Master P ati "Ni njye wayimukoreye, hakoreshejwe iyakure, ntiyaje inaha mu Rwanda".
Yakomeje ati "Ni umuhanzi w'umuhanga ufite inganzo yuje ubuhanga mu ijwi ryiza cyane". Yuzemo ko Pastor John ari umugabo udakeneye inyungu zindi zitari ubutumwa bwiza bwa Kristo.
Alpha and Omega studio ikorera muri Shenge Media Group Ltd iyoborwa na Master P (Managing Director) niyo yafashije Pastor John gutunganya indirimbo zigize Album ye ya mbere.
Pastor John yatangiye gushyira hanze indirmbo ziri kuri Album ye ya mbere
REBA HANO INDIRIMBO "TURAKUMBUYE" YA PASTOR JOHN
UMVA HANO ALBUM YE YA MBERE "INTASHYO"
Eng
RSS 
TANGA IGITECYEREZO