All Star Game: Ikipe ya Mpoyo yatsinze iya Hagumintwari amanota 126-116

Wari umukino uje usanganira uburyohe bw'abakunzi ba Basketball mu Rwanda, bari bamaze icyumweru barebye umukino wa nyuma wa kamarampaka wari wahuje ikipe ya REG BBC yatsinze Patriots BBC ndetse inegukana igikombe cya shampiyona.

Ku ruhande rw'ikipe ya Steve Hagumintwari, mu kibuga hari habanjemo; 

Steve Hagumintwari 

Belleck Bell 

Ntore Habimana 

Wamukota Bush

Ndizeye Ndayisaba Dieudonne

Ikipe ya Mpoyo Axel yari yabanje mu kibuga; 

Thomas Cleveland Jr 

Gray Kendhall

Mpoyo Axel 

Nshobozwabyosenumukiza J.Jacques Wilson

Adonis Jovon Filler

Agace ka mbere karangiye ari amanota 26 y'ikipe ya Mpoyo kuri 34 ya Steve, agace ka kabiri karangira ari amanota 41 y'ikipe ya Mpoyo kuri 20 ya Steve. Igice cya mbere cyarangiye ikipe ya Mpoyo ifite amanota 67 kuri 54 y'ikipe ya Steve.

Mu gice cya kabiri amakipe yanyujijemo akajya akina umukino ufite imbaraga ariko nk'umukino amakipe aba adafite icyo aharanira, banyuzagamo bagashimisha abafana.

Agace ka gatatu karangiye ari amanota 20 y'ikipe ya Mpoyo ku manota 31 y'ikipe ya Steve naho agace ka nyuma ikipe ya Mpoyo yatsinze amanota 39 ikipe ya Steve itsinda amanota 39. 

Umukino wose warangiye ikipe ya Mpoyo Axel yegukanye All Star Game ku manota 126 ku 116 y'ikipe ya Steve Hagumintwari.

Gray Kendall ukinira ikipe ya Mpoyo Axel ni we watsinze amanota menshi agera kuri 29, akurikirwa na Ndayisaba Dieudonne wakiniraga ikipe ya Steve Hagumintwari.

Nyuma y'uyu mukino wahise hakurikiraho igitaramo cya Sauti Sol ndetse n'abandi bahanzi batandukanye b'abanyarwanda, iki gitaramo mukaze gukurikirana amakuru ajyanye nacyo ku InyaRwanda.com