Muri Uganda, abandi bantu 3 bishwe na Ebola, umubare w’abamaze kwicwa n’iki cyorezo uba 4 nyuma y’undi mugabo w’imyaka 24 wapfuye ku ikubitiro.
Ibi byatangajwe n’ubuyobozi bubifite mu bubasha nyuma y’aho hemejwe amakuru y’uko Ebola yageze muri Uganda. Minisiteri y’Ubuzima ya Uganda, itangaza aya makuru yagize ati: ”Mu masaha 24 atambutse abandi bantu 3 bishwe na Ebola”.
Nyuma y’aba bantu 4
bamaze gupfa, Minisiteri y’Ubuzima muri iki gihugu kandi yatangaje ko 11 ari bo
bamaze kugaragaraho iki cyorezo harimo na bane kimaze kwica.
Iki cyorezo cyatangiriye mu Mujyi muto uri mu Karere ka Mubende mu ntangiriro z’ukwezi kwa Kanama 2022.
Ababishinzwe bakomeje
kwemeza ko hari abandi bantu bagera kuri 7 bari gukekwaho icyo cyorezo cya
Ebola muri uyu Mujyi nko mu birometero 130 uvuye mu Mujyi mukuru Kampala.
World Health Oraganization,itangazako iki cyorezo cya
Ebola gisa n'icyahereye muri Sudan gusa ngo ntigifite imbaraga nyinshi mu
kwandura nk’icyatangiriye muri Zaire, cyishe abagera kuri 2,500 mu myaka ya 2018 kugeza mu 2020 kimwe na Ebola yo muri Repubulika
Iharanira Demokarasi ya Congo.
Inkomoko: Africanews
TANGA IGITECYEREZO