Umuryango wa Donald Trump urashinjwa uburiganya no kubeshya agaciro k'imitungo yabo

Uwahoze ari Perezida wa Leta Zunze Ubumwe za Amerika, Donald Trump, hamwe n'abana be batatu, bashinjijwe kuba barabeshye agaciro k'imitungo itimukanwa yabo, kugirango bahabwe inguzanyo nini kandi bishyure umusore muke.  

Abashinjacyaha bavuze ko umuryango wa Trump wakoze ibikorwa byinshi by'uburiganya hagati y'umwaka wa 2011 na 2021. Mu baregwa harimo abana bakuru baTrump aribo Ivanka na Eric Trump ndetse n'abayobozi babiri bo mu ishyirahamwe rya Trump, Allen Weisselberg na Jeffrey McConney.

Donald Trump n'abana be bakuru batatu bashinjijwe kubeshya agaciro k'imitungo yabo

Nk'uko ikinyamakuru New York Times cyabitangaje, uru rubanza rwazanywe n'umushinjacyaha mukuru wa New York, Letitia James, akaba n'umunyamategeko mukuru muri Leta, nyuma y'imyaka itatu yaramaze akora iri perereza. 

Mu magambo ye James yagize ati "Abifashijwemo n'abana be n'abayobozi bo mwishyirahamwe rye, Donald Trump yabeshye umutungo we ufite agaciro ka miriyari z'amadorari kugira ngo atungishe akarengane kandi ariganye sisitem".

James yavuze ko inzu bwite ya Bwana Trump iri mu nyubako nini yitwa Trump Tower' ifite agaciro ka miriyoni 327 z'amadorari, iri mu mitungo bivugwako agaciro kayo katangajwe nabi, ndetse akomeza avuga ko nta nzu iri muri New York yigeze igurishijwe ayo mafaranga.

Yakomeje asaba urukiko ko babuzaTrump n'abana be kugira ubucuruzi bakora muri New York, ndetse no guhagarika ubucuruzi bw'imitungo itimukanwa mu gihe cy'imyaka itantu.

Trump yaje gusubiza Madamu James, ati "Undi mupfumu uri kumpiga, umushinjacyaha mukuru ugira ivanguramoko, Letitia James, wananiwe kwiyamamariza kuba guverineri kuko yabonye amajwi ya zero kw'ijana y'abaturage".

Umushinjacyaha akaba n'umunyapolitiki Madamu Letitia James, arashinja Trump n'abana be kugira uburiganya no kubeshya agaciro k'imitungo yabo

Ibi bibaye nyuma y'uko Letitia James uharanira demokarasi ari kwiyamamariza kongera gutorwa mu Gushyingo. Kuri Twitter Trump yashinjije madamu James guha intwaro ibiro bye kugira ngo akurikirane abatavuga rumwe na politiki ye.

Umunyamategeko akaba n'uwahoze ari umushinjacyaha wakoze mu rubanza rwa Trump, Tristan Snell,  yabwiye ikinyamakuru BBC ko uru rubanza rushobora gufata umwaka ngo ruburanishwe, ndetse rushobora no kugabanya ubushobozi bwa Trump bwo gukora ubucuruzi n'inyungu yakuraga mu mitungo itimukanwa afite muri New York.