Barack Obama yatsindiye Emmy Award ya filime y'uruhererekane iri kuri Netflix

Ku wa Gatandatu, uwahoze ari Perezida wa Leta Zunze Ubumwe za Amerika, Barack Hussein Obama, yatsindiye igihembo cya Emmys, (ni ibihembo by'ubuhanzi n'ubuhanga bitangwa na Televiziyo za Amerika), cyo kuvuga inkuru neza muri filime mbarankuru y'uruhererekane yise "Our Great National Parks".

Isosiyeti ya Obama itunganya sinema, Higher Ground, ni yo iri inyuma yikorwa ry'iyi filimi y'ibice bitantu, ivuga kuri pariki z'ibihugu zitandukanye ku isi.

Igihembo cya Emmy kije gikurikira ibindi bibiri bya Grammy yahawe, bituma ahabwa icyubahiro cya "Egot" ihabwa umuntu ufite igihembo cya Emmy, Grammy, Oscar na Tony, ndetse aba na Perezida wa kabiri wa Amerika mu mateka wegukanye Emmy Award.

Barack Obama yabaye Perezida wa kabiri wa Amerika utsindiye igihembo cya Emmy

Iyi filime y'uruhererekane iri kuri Netflix yiswe 'Our Great National Parks', yerekana ubwiza nyaburanga buri ku migabane itanu igize isi. Abandi bahataniraga uyu mwanya na Obama harimo David Attenborough, Lupita Nyong'o na Kareem Abdul- Jabbar.

Nyuma yo kuva ku mirimo yo kuyobora igihugu muri 2017, Obama n'umugore we Michelle bashinze sosiyeti ya High Ground itunganya sinema, bagirana amasezerano na Netflix bivugwako afite agaciro ka miriyoni 10 z'amadorari.

Igitabo cya Barack Obama yise, The Audacity of Hope, cyatsindiye Grammy 

Obama kandi yatsindiye ibihembo bya Grammy kubera amajwi y'igitabo yise "The Audacity of Hope" na " Dreams from my father". 

Undi mu Perezida wabashishe gutsindira Emmy Awad ni Dwight Eisenhower, watsindiye igihembo cy'ishimwe mu 1956 kubera kuba Perezida wa mbere wakoze ikiganiro n'abanyamakuru kuri Televiziyo.

Abantu 17 ni bo bamaze guhabwa Egot kugeza ubu barimo, Mel Brooks, Whoopie Goldberg, Audrey Hepburn na Jenifer Hudson.