BePawa
Kigali

Bimenyimana Bonfils Caleb cyera kabaye yasinyiye Kaizer Chiefs yo muri Afurika Y'Epfo

Yanditswe na: ISHIMWE Olivier Ba
Taliki:18/08/2022 19:02
0


Rutahizamu w'Umurundi, Bimenyimana Bonfils Caleb yashyize umukono ku masezerano y'imyaka itatu akinira Kaizer Chiefs, ikina icyiciro cya mbere muri Afurika Y'Epfo.



Bimenyimana Bonfils yageze muri iki gihugu mu ijoro ryakeye, aho muri iki gitondo yahise akora ikizamini cy'ubuzima nyuma yaho ahita asinya. Uyu musore yari amaze ibyumweru bisaga bibiri akorera imyitozo mu ikipe ya Rayon Sports yanakiniye mu myaka itambutse. 

Bimenyimana Bonfils Caleb mu kwezi gushize yari yarakoze igerageza muri iyi kipe aho yamaze ibyumweru 3, ariko ubuyobizi ntibwashimishwa n'umusaruro we byatumye bamusezerera agaruka mu Rwanda. Kaizer Chiefs yazanye abandi bakinnyi ariko isanga bari hasi kurusha Caleb, ndetse byatumye bongera kumutumaho byihutirwa.

Bimenyimana Bonfils ubu ni umukinnyi wa Kaizer Chiefs mu gihe cy'imyaka 3 

Bimenyimana Bonfils w'imyaka 24 y'amavuko yabaye muri Rayon Sports hagati ya 2017 na 2019 ahava ajya mu ikipe  ya Rigas FS yo muri Lativia, nayo yaje kumutiza mu ikipe ya Atlantas yo muri Lithuania ahamara umwaka, aha ajya muri Pohronia ibarizwa muri Slovakia, 2021 yerekeza muri Kaiser yo muri Kazakhstan ari naho yaherukaga gukinira. 

Caleb asanzwe ari rutahizamu w'ikipe y'igihugu y'Uburundi 






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND