RFL
Kigali

Kenya: William Ruto niwe utsinze amatora ya Perezida

Yanditswe na: Kwizera jean de Dieu
Taliki:15/08/2022 17:39
0


Perezida wa komisiyo y’amatora Wafula Chebukati yatangaje ko William Ruto ariwe utsinze amatora, igikorwa kibanjirijwe n’imirwano hagati y’impande zitandukanye.



Mu gihe perezida wa komisiyo y’amatora Wafula Chebukati yari aje gutangaza ibyavuye mu matora mu nyubako ya Bomas of Kenya i Nairobi, habaye imirwano hagati y’impande zitandukanye. 

Abashinzwe umutekano bagerageje kugarura umutekano bakoresheje inkoni.

Nyuma y'aka kajagari, perezida wa Komisiyo y'amatora yahawe umwanya atangaza ko William Ruto ari we watsinze amatora n'amajwi 50.49%.

Abakomiseri bane kuri barindwi ba komisiyo y’amatora, bari basohotse muri Bomas of Kenya, bajya kuganira n’abanyamakuru. Uhagarariye aba ba komiseri yavuze ko bo bitandukanye n’ibigiye gutangazwa byavuye mu matora. Visi perezida William Ruto mu majwi y'agateganyo ari imbere gato ya mucyeba we Raila Odinga.

Abashyigikiye Raila Odinga muri iki cyumba cya Bomas of Kenya bagaragaje ko batishimiye ibyaba bigiye gutangazwa. Komisiyo y'amatora ifite bitarenze kuwa kabiri tariki 16 Kanama kuba yatangaje ibyavuye mu matora.


Abakandida William Ruto, George Wojackoyah na David Mwaure Waihiga bari kuri Bomas of Kenya aho ibi byabereye, Raila Odinga ntabwo yahagaragaye.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND