RFL
Kigali

Burundi: Barasaba ko abishe abanyamulenge mu nkambi y'mpunzi bagezwa imbere y'ubutabera

Yanditswe na: Ngabonziza Justin
Taliki:14/08/2022 12:22
0


Mu muhango wo kwibuka abanyekongo bo mu bwoko bw'abanyamulenge wabereye mu Gatumba kuwa gatandatu tariki ya 13 kanama 2022, uhagarariye abanyamulenge mu gihugu cy'uburundi yasabye ko abishe abanyamulenge mu nkambi y'mpunzi ya Gatumba mu myaka 18 ko bagezwa imbere y'ubutabera bakaryozwa ubwicanyi bwakorewe abanyamulenge



Hashize imyaka 18 abanyamulenge biciwe mu nkambi ya Gatumba, nyamara kugeza ubu ntabwo abishe bakurikiranweho ibyaha by'ubwicanyi bwabereye muri iyo nkambi.

Uhagarariye umuryango w'abanyamulenge mu gihugu cy'u Burundi, Sebitereko Lazare avuga ko abakoze ubwicanyi bwakorewe abanyamulenge mu nkambi y'impunzi ya Gatumba kugeza ubu bataragezwa imbere y'ubutabera. Sebitereko avuga ko kugira ngo amakimbirane ahoshwe, bisaba ko abayobora ibihugu byo mu karere bagomba gushakira umuti Ibibazo biri mu butabera kuburyo  abakora ibyaha babihanirwa.

Uyu mugabo uhagarariye abanyamulenge muri iki gihugu, yemeza ko hari abahohotera bagenzi babo bakabavutsa ubuzima ariko ntibakurikiranwe, bigaragaza ko uburenganzira bw'ikiremwamuntu buzakomeza  guhutazwa, akomeza agaragaza ko kwimakaza umuco w'amahoro bizaba nk'inzozi.

Abanyamulenge babuze ababo barishimira ko uyu muhango wo kubibuka wabaye mu mudendezo, kuko Leta yabahaye abashinzwe umutekano babafashije kubacungira umutekano.

Uyu muhango warimo abanyamulenge baba mu Burundi , nta mutegetsi n’umwe wo muri iki gihugu  wawitabiriye .







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND