RFL
Kigali

Lionel Messi yabuze mu bakinnyi 30 bahatanira Ballon D'Or, bwa mbere kuva mu myaka 17 ishize

Yanditswe na: Ngabo Mihigo Frank
Taliki:13/08/2022 7:50
0


Bwa mbere kuva mu 2005, rutahizamu Lionel Andres Messi ukinira ikipe ya Paris Saint-Germain mu Bufaransa, ntabwo yashyizwe ku rutonde rw’abakinnyi 30 bazahatanira umupira wa zahabu 'Ballon d'or 2022' babikesha kwitwara neza mu mwaka w'imikino wa 2021-2022.



Ikinyamakuru France Football gitanga iki gihembo, cyaraye gitangaje abakinnyi 30 mu bagabo na 20 mu bagore, bazavamo babiri bazegukana ibi bihembo mu byiciro byombi.

Kizigenza Lionel Messi ubitse Ballon D'Or 7 zirimo n'iy'umwaka uheruka, ntiyagaragaye kuri uru rutonde bwa mbere kuva mu myaka 17 ishize, aho atasibaga guhatana ndetse akenshi akagera mu cyiciro cya nyuma.

Kubura mu bahataniye Ballon D'Or kwa Messi bwa mbere kuva muri 2005, byatewe n'uko atagize umusaruro mwiza mu mwaka w'imikino ushize, ari na wo wa mbere yakinnye mu Bufaransa.


Messi

Uru rutonde rw'abakinnyi 30 kandi ntabwo ruriho Neymar Jr ukinira Paris Saint Germain, mu gihe kizigenza Cristiano Ronaldo wa Manchester United we ariho.

Amakipe ya Liverpool na Real Madrid yahuriye ku mukino wa nyuma wa UEFA Champions League (2021-2022) niyo afite abakinnyi benshi muri 30 bahatanye, aho yombi anganya abakinnyi 6.

Karim Benzema ukinira u Bufaransa na Real Madrid, ni we uza ku mwanya wa mbere mu bahabwa amahirwe yo kwegukana Ballor D'Or ya 2022, bitewe n'uko yagize uruhare rukomeye mu gutwara ibikombe bine bya UEFA Champions League, Nations League, La Liga na UEFA Super Cup.


Benzema ahagaze neza

Biteganijwe ko ibihembo bya France Football bizatangwa Kuwa mbere, tariki ya 17 Ukwakira, mu birori bizabera kuri Theatre du Chatelet i Paris mu murwa mukuru w' u Bufaransa.

Abakinnyi 30 bahatanye ni;

1.Erling Haaland (Manchester City)

2.Dusan Vlahovic (Juventus)

3.Joao Cancelo (Manchester City)

4.Kylian Mbappe (PSG)

5.Virgil van Dijk (Liverpool)

6.Sebastian Haller (Borussia Dortmund)

7.Cristiano Ronaldo (Manchester United)

8.Antonio Rudiger (Real Madrid)

9.Kevin De Bruyne (Manchester City)

10.Luka Modric (Real Madrid)

11.Mike Maignan (AC Milan)

12.Harry Kane (Tottenham)

13.Darwin Núñez (Liverpool)

14.Phil Foden (Man City)

15.Sadio Mané (Bayern)

16.Riyad Mahrez (Man City)1

7.Casemiro (Real Madrid)

18.Heung-Min Son (Tottenham)

19.Fabinho (Liverpool)

20.Karim Benzema (Real Madrid)

21.Trent Alexander-Arnold (Liverpool)

22.Vinicius JR (Real Madrid)

23.Bernardo Silva (Man City)

24.Luis Díaz (Liverpool)

25.Robert Lewandowski (Barcelona)

26.Thibaut Courtois (Real Madrid)

27.Rafael Leão (AC Milan)

28.Christopher Nkunku (RB Leipzig)

29.Mohamed Salah (Liverpool)

30.Joshua Kimmich (Bayern)






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND