RFL
Kigali

CHAN2023: Ethiopia idafite Stade, yatangiye imyitozo yitegura Amavubi yo atarahamagara abakinnyi

Yanditswe na: Ngabo Mihigo Frank
Taliki:12/08/2022 11:14
0


Mu mpera z'uku kwezi kwa Kanama 2022, hateganijwe isibubukurwa ry'imikino yo gushaka itike ya CHAN 2023 izabera muri Algeria, aho amakipe y'ibihugu by'Africa agiye gukina ijonjora rya kabiri ari naryo rya nyuma.



Muri iyi Shampiyona Nyafurika ihuza ibihugu ariko hifashishijwe abakinnyi bakina muri shampiyona z'ibihugu byabo gusa, u Rwanda rusanzwe rutangirira mu ijonjora rya kabiri mu gushaka itike y'imikino ya nyuma.

Kuri iyi nshuro, Tombola yagennye ko 'Amavubi' azahura n'ikipe y'igihugu ya Ethiopia mu gushaka itike, aho bazahurira mu mikino ibiri itegamijwe mu mpera za Kanama no mu ntangiriro za Nzeri 2022.

Ni muri urwo rwego ikipe y'igihugu ya Ethiopia yamaze gusubukura imyitozo iri gukorera mu murwa mukuru Addis Ababa, mu gihe ikipe y'u Rwanda yo itaranahamagara abakinnyi bazakoreshwa muri iyi mikino.

Iyi kipe ya Ethiopia bita 'The Warrior Ibex' imaze ibyumweru bitatu isezereye Sudani y'Epfo bahuriye mi ijonjora rya kabiri bakayinyagira ibitego 5-0 ku giteranyo cy'imikino yombi yabereye kuri Stade ya Benjamin Mkapa yo muri Tanzania.


Ethipia bishimira intsinzi

Ethiopia ni kimwe mu bihugu byinshi by'Africa bidafite Stade zemerewe kwakira imikino mpuzamahanga, ari nayo mpamvu yahisemo kwakirira imikino yayo kuri Stade y'intirano iri i Dar Es Salaam muri Tanzania.

Ethiopia iri mu byishimo byo kunyagira Sudani y'Epfo nta mukinnyi n'umwe yasize mu bo bakoresheje mu ijonjora rya mbere ubwo yahamagaraga abagomba guhangana n'Amavubi y'u Rwanda mu mukino wa mbere uzabera muri Tanzania kuwa 26 Kanama n'uwa kabiri uteganijwe kuzabera i Huye mu majyepfo y'u Rwanda ku ya 4 Nzeri 2022.

Ubwo amakipe yombi yaherukaga guhurira mu ijonjora rya nyuma ryo gushaka itike ya CHAN, hari muri 2019, aho u Rwanda rwasezereye Ethiopia ku giteranyo cy'ibitego 2-1. Umukino ubanza wari wabereye i Addis Ababa, Amavubi ahatsindira 1-0, mu gihe uwo kwishyura wabereye i Kigali, amakipe yombi akanganya 1-1.


Ubushize, ibitego by'Amavubi byombi byatsinzwe na Sugira Ernest

Mu nshuro 6 zose irushanwa rya CHAN rimaze kuba, ebyiri gusa muri zo niho u Rwanda rutabashije kugera mu mikino ya nyuma (2009&), mu gihe izindi nshuro Enye zose rwitabiriye, harimo na CHAN ya 2016 yabereye mu Rwanda, igikombe kigataha muri DRCongo yari yasezereye amavubi muri 1/4.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND