BePawa
ATHF
Kigali

DRCongo: Abantu ibihumbi bunamiye abapfiriye mu myigaragambyo, barushaho kwamagana MONUSCO

Yanditswe na: Ngabo Mihigo Frank
Taliki:6/08/2022 0:06
0


I Goma mu burasirazuba bwa Republika ya Demokrasi ya Congo, abaturage babarirwa mu bihumbi bitanu, biriwe mu bikorwa byo kunamira abantu babarirwa ku icumi baguye mu myigaragambyo yo kwamanagana ingabo z'umuryango w'Abibumbye zihakorera.



Uyu muhango wabereye ku kibuga cy'umupira cya Goma witabiriwe n'ab'ingeri zose, nyuma y'uko hashize iminsi ine habayeho undi wo kunamira abakozi bane ba ONU baguye muri iyo myigaragambyo.

Imyigaragambyo yadutse i Goma mu cyumweru gishize, kubera ishavu ry'abanyagihugu bavuga ko abasirikare bazwi nk'aba-MONUSCO bananiwe kubakingira ibitero by'inyeshamba mu gihe cy'imyaka irenga 20 bamaze bakorera muri DRCongo.

Mu muhango w'uyu munsi, abayoboye amadini n'amatorero, basabye abayoboke babo ko habaho gutanga ituze n'amahoro mu gihe cyo kwibuka no kunamira abaguye mu myigaragambyo.

Inkuru ya BBC ivuga ko benshi mu bahitanwe n'imyigaragambyo, bari ku kigero cy'imyaka iri munsi ya 30, aho uwari muto muri bose yari afite imyaka 11.

Benshi mu bitabiriye umuhango wo kunamira abaguye mu bikorwa by'imyigaragambyo, bari bafite ibyapa biriho inzandiko zikomeza kwamagana ONU, basaba ko ingabo za MONUSCO zivanwa muri DRCongo.







TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND