BePawa
ATHF
Kigali

Ubwongereza: Police yabonye umurambo w'umukobwa w'imyaka 20 wari waraburiwe irengero, ifata n'umugabo w'imyaka 52 ukekwaho kumwica

Yanditswe na: Dushime Nina Cynthia
Taliki:7/07/2022 16:43
0


Mu Ubwongereza umukobwa w'umunyeshuri w'imyaka 20 wari waraburiwe irengero mu byumweru 2 bishize, mu ijoro ryashize umurambo we wabonywe n'abapolisi akaba yasanzwe mu bihuru biri hafi n'agace k'inganda, ndetse hafatwa n'umugabo w'imyaka 52 bikekwa ko ariwe wamwishe.



Uyu mukobga uzwi ku mazina ya Somaiya Begum yaherukaga iwabo ku munsi wo ku wa gatandatu tariki 26 Kamena ahagana mu ma saa munani z'amanywa, aho yabanaga na Nyirakuru na Nyirarume. Byaje gutangazwa ko yaburiwe irengero ku munsi ukurikiyeho ari nabwo hahise hatangizwa iperereza ryo kumushakisha.

Somaiya Begum wasanzwe yapfuye

Polisi yo muri West Yorkshire yataye muri yombi abagabo 3 n'umugore 1 bakekwagaho kugira aho bahurira n'ibura ry'uyu mu kobwa, nyuma hafatwa undi umugabo w'imyaka 52 ukekwaho ubu bwicanyi, aho polisi yari imaze iminsi ikorera iperereza mu gace k'inganda ahantu haba ama kontineri.

Umurambo w'uyu mukobwa wasanzwe hafi y'umuhanda wa Fitzwilliam muri Bradford, nk’uko byatangajwe n'umuvugizi wa police ya West Yorkshire. Yagize ati " Abashinzwe iperereza bashakaga Begum babonye umurambo" akomeza agira ati "iperereza rikomeye ryarakozwe kuva uyu mukobwa yaburirwa irengero, ndetse turanashimira abantu bose barigizemo uruhare batanga amakuru yifashishijwe mu iperereza". Yongeyeho ko ikirego cyageze mu ubucamanza ariko bagikora iperereza, gusa umuryango w'umukobwa ukaba wamaze kumenyeshwa iby’uru rupfu. Polisi yasobanuye imiterere y'uyu mukobwa ko afite inkomoko ku mugabane wa Aziya. Afite imisatsi y'umukara ndetse umunsi aburirwa irengero yari yambaye ipantaro y'umukara, agapira k'umukara n'agatambaro ko mu ijosi k'umukara.


Uyu mukobwa yakundaga kuba mu gace ka Brandford, hafi na Kaminuza ya Leeds Beckett bikekwa ko ariho yari umunyeshuri. Umukuru w’iri perereza, Marc Bowes yasobanuye urugendo rwo kumushaka kuva ubwo yaburaga kugeza asanzwe yapfuye. Yagize ati " Twari duhangayikishijwe n’ibura rya Somaiya ryabaye mu buryo budasanzwe".


"Twaraye amarondo dukoresha imbwa n'amashusho ya CCTV, ndetse tuzenguruka urugo ku rundi tubaza niba ntawamenye amakuru ye". Yasabye abaturage ko uzabona amakuru yisumbuyeho ku ibura rya Somaiya yayageza kuri Polisi.







TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND