Iyo COVID-19 itakivugwa cyane bamwe bakeka ko yarangiye bagatezuka ku ngamba zo kuyirinda no kuyikumira, nyamara si ko bikwiye kuko yakomotse kuri Coronavirus ntaho yigeze ijya. Abatebya bavuga ko imeze nk'injyana ya Lumba, hamwe ukeka ko indirimbo irangiye, mu kanya bati ''Tout le monde bouge'' basobanura ko kubyina bigikomeje.
Ishami ry'Umuryango w'Abibumbye ryita ku Buzima, OMS, rikomeza kuvuga ko nta mpamvu n'imwe yo kwirara ngo wirengagize ko icyorezo cya Coronavirus kikibarizwa ku Isi kandi kitarabonerwa umuti urambye ku buryo isaha ku yindi kiba gishobora kugarika ingogo.
Mu gihugu cy'u Bushinwa, aho icyorezo cyateye gituruka mu mpera z'umwaka wa 2019, na n'ubu ntabwo kiboroheye na gato, nubwo bamaze igihe barashyizeho ingamba zo kukirandura burundu mu cyiswe 'Zero-Covid Strategy'.
Ibinyamakuru byinshi byandikirwa ku migabane y'u Burayi na Aziya bikomeje kuvuga ko mu Bushinwa batorohewe na gato na COVID-19 yihinduranyije igahabwa izina ikaba yihariye mu gukwirakwira byihuse ugereranije n'iyamenyekanye ku ikubitiro mu mwaka wa 2019.
Omicron isanzwe yiganje mu Bwongereza no muri Leta Zunze Ubumwe za Amerika, yibasiye abo mu bice bitandukanye by’umujyi w'ubucuruzi wa Xi'an utuwe n'abarengaMmiliyoni 13, kugeza aho Leta yafashe umwanzuro wo gusubizaho gahunda ya 'Guma Mu Rugo' izamara iminsi irindwi y'ibanze.
Leta yatanze amabwiriza ko ibikorwa bihuza abantu benshi nk'iby'ubucuruzi, amashuri n'ibindi byo muri Xi'an bizafunga nibura icyumweru kimwe, biturutse ku kuba mu cyumweru gishize haragaragaraye abantu benshi barwaye COVID-19. Abo mu duce tumwe na tumwe twugarijwe cyane bo bategetswe kuguma mu ngo zabo.
Zhang Yi, wo mu kigo gishinzwe kurwanya no gukumira indwara mu ntara ya Shaanxi, yabwiye itangazamakuru ko Omicron, izwi ku izina rya BA.5, ari yo iri kwaduka no gukwirakwira bushya, ku buryo biteye impungenge inzego za Leta.
Eng
RSS 
TANGA IGITECYEREZO