Juventus yamaze kumvikana na Paul Pogba kuyigarukamo agahabwa amasezerano y'imyaka ine.
Byitezweko
ku wa Gatandatu w'iki cyumweru Paul Pogba azaba ari mu Butaliyani mu mujyi wa
Turin aho agomba gusinya amasezerano y'imyaka ine. Pogba w'imyaka 29 y'amavuko,
amasezerano ye muri Manchester United yageze ku iherezo tariki 30 Kamena ndetse
impande zombi zari zarumvikanye ko zitazakomeza gukorana.
Pogba akiri muri Juventus yagiriyemo ibihe byiza
Bibaye inshuro ya kabiri Paul Pogba ava muri Manchester United ajya muri Juventus ku buntu, aho bwa mbere Pogba yavuye muri Manchester United mu 2012 ajya muri Juventus ayigarukamo mu 2016 aho ayivuyemo atwaye ibikombe 2 birimo Europa league na Carabao cup byose yegukanye mu mwaka w'imikino 2016-17.
Mu mikino 226
asize akiniye Manchester United yatsinzemo ibitego 39. Byitezweko Christian
Eriksen ariwe ushobora gusimbura Pogba nyuma yo kugirana ibiganiro mu cyumweru
gishize.
Nyuma
yaho Massimiliano Allegri agarutse muri Juventus, yasoje ku mwanya wa kane
muri shampiyona aho mu mwaka w'imikino ugiye kuza bifuza kongera kwigaranzura
Inter Milan na Ac Milan zikomeje kugabana ibikombe.
Pogba agiye gusubira mu rugo
TANGA IGITECYEREZO