BePawa
ATHF
Kigali

Etienne Nkuru mu byishimo byo guhabwa igihembo cya Rhema Award nk'umuramyi ufite indirimbo nziza ya Gospel muri Canada

Yanditswe na: Mupende Gedeon Ndayishimiye
Taliki:22/06/2022 11:28
0


Umuramyi Etienne Nkuru utuye muri Canad, ku cyumweru tariki 19/06/2022 ni bwo yashyikirijwe igikombe yegukanye mu bihembo mpuzamahanga bya Rhema Awards 2022, ashimirwa nk'umuramyi ufite indirimbo isingiza Imana yahize izindi zose mu gihugu cya Canada.



Rhema Awards ni ibihembo mpuzamahanga bitegurwa na Maranatha Global Revival Networks (MGRN), bigatangwa ku bahanzi bakora umuziki wa Gospel bo mu bihugu bitandukanye ku Isi baba barakoze kurusha abandi. Ubusanzwe ibi bihembo byitwa Rhema Awards Global, gusa byamamaye nka Rhema Awards. Kuri iyi nshuro, ibi bihembo byatangiwe muri Leta Zunze Ubumwe za Amerika muri Leta ya Pennsylvania.

Abahanzi bahataniye ibi bihembo byo muri uyu mwaka bari bavuye ku migabane itandukanye nka Africa, America, Europe n'ahandi. Ibihembo by'uyu mwaka byari bihatanyemo abahanzi nyarwanda batandukanye bakorera muzika yabo muri Diaspora Nyarwanda nka Tumaini Byinshi, abo mu Karere nka Joel Lwaga wa Tanzania, n'abandi.

Bamwe mu begukanye ibihembo kuri iyi nshuro twavugamo Nkuru Etienne, Beza Deborah wabaye umuhanzikazi uhagaze neza muri Diaspora nyarwanda muri Canada, David Nduwimana wabaye umuramyi mwiza muri Diaspora y'u Burundi muri Australia, n'abandi. Umwanditsi mwiza wahae igihembo cy'icyubahiro ni Sir Judah wo muri USA. Kanda HANO urebe abatwaye ibihembo bose.

Mu kiganiro na InyaRwanda.com, Etienne Nkuru yagaragaje ko anezerewe cyane ku bw'igihembo yahawe abikesha indirimbo ye "Narababariwe" yabaye indirimbo nziza muri Canada, ati "Mfite umunezero udasanzwe kuba naratsindiye iri Award. Ndashimira umuntu wese wantoye uwo nzi n'uwo ntazi. Imana ibahe umugisha ntabwo byari byoroshe ariko ndashimira Imana yabikoze".


Etienne Nkuru yegukanye igihembo muri Rhema Awards


Byumurenze!


Indirimbo ya Etienne Nkuru yabaye indirimbo nziza muri Canada muri Rhema Awards 2022

REBA INDIRIMBO "NARABABARIWE" YA ETIENNE NKURU YABAYE INDIRIMBO NZIZA MURI CANADA







TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND