RFL
Kigali

Yarimo ashakisha Hoteli! Beyonce yageze mu Butaliyani ahagiye kubera ubukwe bwa Kourt Kardashian na Travis Barker

Yanditswe na: Abitije Seraphin Elise
Taliki:22/05/2022 15:18
0


Umunyamuziki, umwanditsi w’indirimbo n’umukinnyi wa filimi, Beyoncé Giselle Knowles-Carter yamaze kugera mu gihugu cy’Ubutalityani ahagiye kubera ubukwe bw’amateka bwa Kourt na Travis, bwitezwemo ibyamamare bitagira ingano biturutse imihanda yose y’isi.



Ibyamamare byinshi byitezwe kugaragara mu bukwe bw’ibyamamare mu myidagaduro ku isi, Kourtney Kardashian n’umugabo we Travis Barker. Muri abo harimo Beyonce wamaze kugera mu Butaliyani yitabiriye ibi birori by’agatangaza.

Nk’uko ibinyamakuru bitandukanye birimo Page Six na The News byabitangaje, ni uko umunyabigwi mu muziki Beyonce yamaze kugera mu Butaliyani, ibi binyamakuru bikaba byatangaje ko Beyonce yagaragaye arimo ashakisha hoteli yo kuraramo muri zimwe muzateganirijwe kwakira abashyitsi b’imena ba Kourt na Travis mu gace ka Portifino, karimo n’inyubako ya Castello Brown iza kuberamo ubu bukwe.

Umwe mu babonye Beyonce yagize ati:”Hari inshuti zigera kuri 20 n’abanyamuryango barimo bashaka Hoteli yo kuraramo bambaye mu buryo bunejeje, twahuriye hafi ya pisine ubwo bahageraga kimwe naba Kardashians. Agace kose kahungabanyijwe n’ubwiza bwabo, bose basaga neza kandi ubona bishimye.”

Kourtney akaba yarakomeje kuba umufana w’akadasohoka wa Beyonce, aho kenshi yakomeje kugenda asangiza abamukurikira amafoto, ibitaramo n’imiziki ye ku mbuga nkoranyambaga ndetse ari no mu bitabiriye ibirori by’umwihariko bya Beyonce na Jay Z nyuma y’itangwa ry’ibihembo bya Oscar.

Ibi birori bya Kourt na Travis bikaba bigiye kuba nyuma y’uko mu minsi micye ishize mu muhango wabereye muri Santa Barbara, aba bombi bemeranije kubana imbere y’amategeko bagaragiwe n’abantu mbarwa barimo se wa Travis na nyirakuru wa Kourt.

Kourtney asanzwe ari umufana n'inshuti y’akadasohoka ya Beyonce

N’ubwo gufotora Beyonce ari kimwe mu  bintu bigoye ariko yagaragaye mu Butaliyani ahagiye kubera ubukwe bwerecyejweho amaso n'isi nzima

Travis na Kourtney babura iminota micye bakemeranya kubana akaramata imbere y'Imana n'abantu

 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND