Salomon Nirisarike myugariro wa Urartu FC yo muri Armenian yamaze guhamagarwa mu ikipe y'igihugu Amavubi nk'uko tubicyesha iyi kipe akinamo.
Umutoza
w'ikipe y'igihugu Amavubi ndetse n'ubuyobozi bw'ishyirahamwe ry'umupira
w'amaguru mu Rwanda FERWAFA, baherutse kohereza ubutumire ku bakinnyi
batandukanye bashaka ko bagaragara mu ikipe y'igihugu Amavubi yitegura imikino
y'amatsinda yo gushaka tike y'igikombe cya Afurika kizabera muri Cote D'Ivoire
umwaka utaha.
Iyi
mikino u Rwanda ruzatangira rwakira ikipe y'igihugu ya Senegal tariki 3 Kamena
umukino uzabera i Huye. Nyuma yaho Amavubi azajya gusura Mozambique mu mukino
w'umunsi wa kabiri. Nk'uko imbuga nkoranyambaga za Urartu FC Nirisarike Salomon
akinira zabitangaje, uyu mukinnyi azagaragara muri iyi mikino kuko nabo bamaze
kubona ubutumire bubasaba uyu mukinnyi.
Salomon Nirisarike yahamagawe mu Amavubi ku nshuro ya 28
Salomon
Nirisarike umaze gukinira Amavubi imikino 27 y'amarushanwa, uyu mwaka ntabwo
wamuhiriye mu ikipe ya Urartu FC kuko aheruka mu kibuga ubwo ikipe yanganyaga na
Noah igitego 1-1 byari tariki 10 Ukuboza 2021. Ubu Urartu FC imaze imikino 17
y'irushanwa Salomon Nirisarike atagaragara mu kibuga nibura umunota umwe. Salomon
Nirisarike w'imyaka 29 yageze mu Mavubi mu 2012, akaba yarageze muri Urartu
avuye muri Pyunik nayo yo muri Armenian.
Ikipe ya Urartu FC yatangaje ko Salomon yahamagawe mu Amavubi
TANGA IGITECYEREZO