Umuhanzi Baabi Urban yashyize hanze indirimbo nshya yise ‘Kikoze’-VIDEO

Muri iyi ndirimbo uyu musore avuga ko yari afitanye ibanga rikomeye n’umukunzi we , rikaza kumugarurka bitewe n’uko bataherukanaga. Urban akomeza aririmba ko umuntu udafite amafaranga muri Kigali byose aba ari ubusa, akavuga ko ifoto y’umwari yarose yamuteye amazinda.

Mu kiganiro n’uyu musore mushya muri Muzika Nyarwanda, yatangaje ko imbaraga azanye muri muzika azazikoresha neza kugira ngo abashe kugera ku rwego yifuza kugeraho bitewe n’uko yibonamo ubushobozi bwo kuririmba. Baadi Urban yagize ati”Mu by’ukuri mfite impano kandi nanjye ndabibona kimwe n’ubutumwa abandi bampa byose binyereka ko nshoboye, rero ndashaka gukora cyane nkagera ku rwego nifuza muri muzika Nyarwanda ntitaye kubo byananiye, kuko akenshi ducibwa intege n’abatazi imbaraga dukoresha”.

Muri iyi ndirimbo mba ndi kuririmba iby’ibanga ryangarutse nyuma y’igihe kirekire ntabonana n’umukunzi wanjye, hanyuma nkamubwira ko akabanga kikoze, ngahera ko mvuga ko umuntu udafite amafaranga mu Mujyi wa Kigali nta kintu aba afite, ngaragaza ko burya urukundo rw’iyi minsi rwose rusaba amafaranga”.

Uyu musore yizeza umukobwa akunda ko atazigera ayoba kuko ahari kubwe, akavuga ko urukundo amukunda rurenze ibyabatandukanya byose.