Ahabanza Imikino

Aaron Ramsdale wa Arsenal yongeye kugirirwa icyizere ahamagarwa mu ikipe y’igihugu y’u Bwongereza

Yanditswe na: SAFARI Garcon
Taliki:17/03/2022 18:48 0

Nyuma yo kwitwara neza muri shampiyona bikagaragarira buri wese, Umunyezamu Aaron Ramsdale ukinira Arsenal yahembwe kongera guhamagarwa bwa kabiri mu ikipe y’igihugu y’u Bwongereza ‘Three Lions’ yitegura imikino ibiri mpuzamahanga ya gicuti.

Kuri uyu wa Kane tariki ya 17 Werurwe 2022, umutoza w’ikipe y’igihugu y’u Bwongereza Gareth Southgate yahamagaye abakinnyi 25 bagomba kwitabira umwiherero bitegura imikino ibiri ya gicuti mpuzamahanga iyi kipe izakina muri uku kwezi.

Mu bakinnyi 25 bahamagawe harimo 4 bakina muri Arsenal, barimo n’umunyezamu Aaron Ramsdale uhamagawe ku nshuro ya kabiri, Emile Smith Rowe, Bukayo Saka na Ben White.

Umukinnyi wahamagawe benshi bakomeje gushidikanyaho ni myugariro wa Manchester United Harry Maguire umaze iminsi arangwa n’amakosa menshi yashyiraga mu kaga ikipe ye byanatumye abafana bamwishyiramo.

Ubwongereza buritegura imikino ibiri ya gicuti buzakina n’u Busuwisi na Cote D’Ivoire muri uku kwezi kwa Werurwe.

Abakinnyi 25 bahamagawe mu mwiherero n'umutoza Southgate w'u Bwongereza