Ahabanza Imikino

Umufana wishushanyijeho Jezi y’ikipe yihebeye ku mubiri we yavugishije benshi ku mbuga nkoranyambaga – AMAFOTO

Yanditswe na: SAFARI Garcon
Taliki:19/02/2022 19:11 0

Mu gihugu cya Brazil hari inkuru yavugishije abantu b’ingeri zitandukanye ku Isi, y’umufana w’ikipe ya Flamengo wishushanyijeho jezi (jersey) y’iyi kipe akunda ku mubiri we, iyi jezi yashushanyishijwe amarangi adasibika ndetse mu mugongo yashyizeho nimero 10.

Mauricio dos Anjosw’imyaka 35 y’amavuko, yabaye igitaramo ku mbuga nkoranyambaga nyuma yo kwishushanyaho jezi y’ikipe ya Flamengo ku mubiri we wose nk’ikimenyetso cyo kugaragaza urwo akunda iyi kipe yo muri Brazil.

Amafoto agaragaza Mauricio yishushanyijeho jezi ya Flamengo akomeje gukwirakwira ku mbuga nkoranyambaga ndetse abantu benshi bakomeje kuyakunda no kuyatangaho ibitekerezo bitandukanye.

Bimwe mu bitekerezo bikomeje gutangwa kuri aya mafoto, bigaruka ku kuba buri mufana wese wihebeye ikipe aba akwiye gukora ikintu kimutandukanya n’umufana usanzwe cyangwa uwiyitirira ko afana iyo kipe.

Flamengo ni ikipe ikomeye y’ibigwi n’amateka muri Brazil ndetse no muri Amerika y’Epfo muri rusange, ikaba ikina mu cyiciro cya mbere muri shampiyona ya Brazil.

Mauricio yishushanyijeho jezi y'ikipe akunda ya Flamengo