Minisitiri w’intebe wa Canada, Justin Trudeau, yateye intambwe itarigeze ibaho yo gusaba itegeko ryihutirwa (Emergency act), kugira ngo igihugu kibashe guhashya imyigaragambyo y'abarwanya inkingo za COVID-19. Byanzuwe ko amabanki azahagarika konti z'abantu bose bazagira uruhare mu myigaragambyo.
Trudeau yavuze ko ingamba zo guhagarika imyigaragambyo y'abatumva ishyirwaho ry'itariki ntarengwa yo kwikingiza, zafashwe kandi zigomba kubahirizwa hatabayeho ibindi byemezo by'inkiko.
Ibi bije nyuma y'uko abaturage benshi bo muri Canada na Leta Zunze Ubumwe za America batangiriye kwigaragambya, bavuga ko badashaka igitutu kibashyirwaho ngo bafate inkingo za COVID-19.
Hari imyigaragambyo
Nyuma y'aho imyigaragambyo ifashe intera ikomeye mu cyumweru gishize, Trudeau yavuze ko abapolisi bahabwa ibikoresho byinshi byo gufunga cyangwa guhana abigaragambyaga, ariko ntacyo byahinduye ku myigaragambyo.
Ibintu byakomeje kuba bibi uko iminsi ihita, bituma Minisitiri w'intebe afata umwanzuro wo gukoresha itegeko ryihutirwa (Emergency act) mu rwego rwo kugerageza guhagarika imyigaragambyo.
Itegeko ryihutirwa (Emergency act) muri Canada ryemejwe mu mwaka w' 1988, aho rivuga ko mu bihe igihugu kigeraniwe n'ibibazo, abayobozi baba bashobora gukoresha ubushishozi bakemeza itegeko kandi rigahita rikoreshwa mu rwego rwo kurengera ubuzima cyangwa umutekano w'abanya-Canada.
Justin Trudeau
Kubw'ibyo, uyu muyobozi yavuze ko hagomba gushyirwaho amategeko mashya akumira abigaragambya, arimo nko kuba uwagaragaye mu myigaragambyo wese afungirwa konti ya Banki cyangwa agahagarikirwa ubwishingizi bw'ikinyabiziga.
Kuva mu byumweru bitatu bishize, abatuye Canada bagaragaje ko bafite uburenganzira ku guhabwa cyangwa kudahabwa inkingo za COVID-19, aho bigabije imihanda ndetse na Ambasade zitandukanye bigaragambya.
Eng
RSS 
TANGA IGITECYEREZO