Kigali

Umugore w’imyaka 29 y’amavuko umaze kubyara abana 8 b'abahungu yatangaje ko atwite umwana wa 9

Yanditswe na: Soter Dusabimana
Taliki:22/01/2022 14:46
0


Ku myaka 29 y’amavuko umugore wo muri leta ya Texas muri Leta Zunze Ubumwe za Amerika witwa Yalancia Rosario n’umugabo we bari kwitegura kunguka umwana wabo wa cyenda. Umugabo w’uyu mugore yavuze ko iyo hataza kuba ibibazo by’ubuzima cyangwa ubushobozi, ubu baba bafite abana 20.



Biratangaje kumva umugore ku myaka 29 y’amavuko aho benshi baba bakiri mu rubyiruko ariko akaba amaze kubyara abana umunani ndetse yitegura kunguka n’undi. Uyu mugore wo muri leta ya Texas muri Leta Zunze Ubumwe za Amerika yatangaje abantu nyuma yo kuvuga ko atwite umwana wa cyenda ku myaka ye 29 y’amavuko.

Ubwo yaganiraga n’itangazamakuru, Yalancia Rosario yatangaje ko mu buzima bwe yahoze ashaka kuzagira umuryango munini. Kuri we kandi kugira abavandimwe benshi ni ibintu bimushimisha cyane, bikaba akarusho mu gihe ahuye n’ibibazo.

Aba bana be iyo we n’umugabo we Michael Rosario w'imyaka 36 y'amavuko bababwiye ko bagiye kubyara abandi bavandimwe babo ngo birabashimisha cyane. Yalancia yagize ati: “Iyo tuzanye ibyo kubyara abandi bana burigihe birabashimisha cyane.”

Aba bana umunani b’abahungu babyaye harimo uwitwa Jamel (imyaka 12), Michael Jr. (imyaka 9), Angelo (imyaka 8), Gimani (imayaka 5), Armani (imyaka 3), Sincere (umwaka 1), Khaza (amezi atanu). Uwitwa Armani yitabye Imana.



Yalancia na Michael nubwo bakiri bato bagiye kunguka umwana wa cyenda

Umugabo w’uyu mugore nawe yatangaje ko iyo bataza guhura n’ibibazo by’ubuzima cyangwa se ngo babure amafaranga, ubu baba bafite abana makumyabiri.

Uyu muryango ukoresha amafaranga arenga ibihumbi magana ane by’amafaranga y’u Rwanda mu cyumweru bagura ibiribwa nk'uko byatangajwe n’uyu mugore. Yagize ati: “Njya guhaha rimwe mu cyumweru ngakoresha agera 402,245 Frw.”



Yalancia na Michael baritegura kunguka umwana wa cyenda


Yalancia aritegura kubyara 



Kwita mu muryango we ntabwo biba byoroshye

Yalancia ikintu kimugora mu rugo rwe ni ukumesa imyenda itari micye y’abagize umuryango we ndetse n’indi mirimo itandukanye yo mu rugo. Uyu mugore yakomeje avuga ko nubwo akunda kugira umuryango mugari adakunda gutwita.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND