Kigali
-->

Covid-19: Novavax yabaye urukingo rwa gatanu rwamaze kwemerwa mu Bufaransa

Yanditswe na: Marie Clemence Cyiza Uwimanimpaye
Taliki:14/01/2022 20:25
0

Mu gihugu cy’u Bufaransa hamaze kwemerwa urukingo rwa gatanu 'Novavax' rugiye kuhacuruzwa nyuma ya Pfizer, Moderna, AstraZeneca na Janssen.



Kuri uyu wa gatanu tariki ya 14 Mutarama 2022, Ubuyobozi Bukuru bw’Ubuzima (La Haute Autorité de Santé: HAS) bwemeye ko urukingo rwa gatanu rugurishwa mu Bufaransa guhera muri Gashyantare uyu mwaka. Urwo rukingo rwa gatanu rwamaze kwemerwa ni urukingo rwitwa Nuvaxovid rwakozwe n’uruganda rw’Abanyamerika rwa Novavax.

Ubu Buyobozi Bukuru bw’Ubuzima (HAS) buvuga ko uru rukingo rushyashya hamwe na Janseen isanzwe ihabwa abarengeje imyaka 55, ari inkingo z’ingirakamaro zizunganirana.

N’ubwo mu Bufaransa habarirwaga inkingo enye, izitangwayo ni Pfizer na Moderna. Urukingo rwa AstraZeneca n’urwa Janseen zoherejwe mu bihugu bikennye binyuze muri gahunda mpuzamahanga ya Covax.

Uru rukingo rushya rwemewe mu Bufaransa, ruzatangira gutangwa mu ntangiriro z’ukwezi kwa Gashyantare nk’uko byatangajwe na Minisiteri y’Ubuzima mu cyumweru gishize, mu gihe yari itegereje ko Ubuyobozi Bukuru bw’Ubuzima bubyemeza.


Source: France 24






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND