Ahabanza Imikino

Navok Djokovic yongeye kwimwa Visa ku nshuro ya 2 kubera urukingo rwa COVID-19

Yanditswe na: ISHIMWE Olivier Ba
Taliki:14/01/2022 11:45 0

Leta ya Australia yongeye guhagarika uruhushya rwinjira mu gihugu (Visa) ku mukinnyi Novak Djokovic kubera kutikingiza Covid-19.

Umukinnyi mpuzamahanga muri Tennis, Novak Djokovic yongeye kwimwa icyangombwa kimwemerera kwinjira muri Australia kubera ko atikingije Covid-19. Ibi bibaye ku nshuro ya kabiri nyuma yaho uyu mukinnyi wa mbere ku Isi ku wa gatanu w'icyumweru gishize nabwo yari yimwe uru ruhushya.

Mu ntangiriro z'iki cyumweru, umunyamategeko wa Novak Djokovic yari yatangaje ko Australia yemereye umukinnyi we kuzitabira imikino ariko Leta ya Australia yabyutse ibyigarika.

Minisitiri w'abanjira n'abasohoka muri iki gihugu, Alex Hawke yatangaje ko Novak Djokovic aje muri iki gihugu atarikingije byagira ingaruka ku benegihugu. Ati" kuri uyu munsi nubahirije ibyo amategeko ansaba kugira ngo mpagarike uruhushya rwinjira mu gihugu ku mukinnyi Novak Djokovic mu nyungu z'ubuzima rusange. Umuntu utarikingije Covid-19 aramutse aje mu gihugu cyacu byagira ingaruka zitari nziza ku baturage."

Itegeko ryakoreshejwe rivuga ko Novak Djokovic atemerewe kwinjira muri Australia munsi y'imyaka itatu usibye igihe yaba aje mu nyungu z'iki gihugu. Abashinzwe gutegura irushanwa rya Australia Open basabya ko abakinnyi bazaryitabira bagomba kuba barikingije COVID-19, ariko bashyiramo n'ingingo irengera impamvu y'umuntu yihariye, ariyo Novak Djokovic ari kugenderaho. Kuri uyu wa Kane tariki ya 13 Mutarama Novak Djokovic yari ku rutonde rwa nyuma ruzitabira Australian Open none bongeye guhagarika Visa ye.