Kigali
-->

AFCON 2021: Cameroun ibaye igihugu cya mbere kibonye itike ya 1/8

Yanditswe na: ISHIMWE Olivier Ba
Taliki:13/01/2022 21:30
0

Cameroun yakiriye amarushanwa, yatsinze Ethiopia ibitego 4-1 iba ikipe ya mbere ibonye itike ya 1/8 kirangiza muri AFCON 2021.



Kuri uyu wa Kane tariki ya 13 Mutarama, muri Cameroun hakomeje imikino ya kabiri mu matsinda yatangiye Cameroun iri murugo yakira Ethiopia itashakaga gutsindwa umukino wa yo wa kabiri.


Nta gutinda, Ethiopia yahise ifungura amazamu ku munota wa Kane, ku gitego cyatsinzwe na Hotesse. Nyuma y'iminota ine, Ekambi yaje kwishyura igitego, ndetse igice cya mbere kirangira amakipe anganya igitego kimwe kuri kimwe. Mu gice cya kabiri Cameroun yaje yariye karungu ishaka gutsinda ibitego byinshi, byatumye Vincent Aboubakar kapiteni wa Cameroun atsinda igitego cya kabiri ku munota wa 53, ku munota wa 55 atsinda igitego cya kabiri cye kiba icya gatatu cya Cameroun, ku munota wa 67 Ekambi atsinda igitego cya Kane, iminota 90 irangira uko.

Karl Toko Ekambi niwe wabaye umukinnyi w'umukino

Uyu mukino wabaye uwa mbere ubonetsemo ibitego byinshi bigera kuri  5 ndetse ukaba usimbuye umukino n'ubundi Cameroun yari yatsinzemo Brukina Faso ibitego 2-1.

Ethiopia bikomeje kwanga 

Cameroun ibaye ikipe ya mbere ibonye itike ya kimwe cy'umunani nyuma yo gutsinda imikino ibiri yikurikiranya ndetse bikaba ibintu yaherukaga mu mikino y'igikombe cya Afurika cya 2006.


Cameroun ubu ifite itike ya 1/8 kirangiza, ikaba ifite kandi amanota 6 n'ibitego 4 izigamye






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND