Kigali
-->

Real Madrid yatsinze Barcelona mu gikombe kiruta ibindi muri Espagne hitabajwe iminota y'inyongera - AMAFOTO

Yanditswe na: ISHIMWE Olivier Ba
Taliki:13/01/2022 8:54
0

Real Madrid yatsinze Barcelona ibitego 3-2 mu mukino wa 1/2 cy'igikombe kiruta ibindi muri Espagne



Mu ijoro ryo kuri uyu gatatu tariki ya 12 Mutarama muri 2022, muri Saudi Arabia Real Madrid yasakiranye na FC Barcelona mu gikombe kiruta ibindi muri Espagne 'Super cup' cyakinwaga ku nshuro ya 38 dore ko ari ngaruka mwaka.

Uyu mukino wabereye kuri sitade ya King Abdullah Sports City, Real Madrid niyo yafunguye amazamu ku munota wa 20, igitego cyatsinzwe na Vinicius Junior ukomeje kugira umwaka mwiza muri Real Madrid. Igice cya mbere cyenda kurangira, De Jong yaje gutsinda igitego cyo kwishyura, maze igice cya mbere kirangira amakipe yombi anganya igitego kimwe kuri kimwe.

Mu gice cya kabiri, nkuko byagenze mu gice cya mbere Real Madrid nabwo yabonye igitego cya kabiri ubwo ku munota wa 72 Karim Benzema yanyeganyezaga inshundura, gusa mu minota 10 Ansu futi yaje guhindura ibintu atsinda igitego cyo kwishyura, iminota isanzwe y'umukino irangira amakipe yombi anganya ibitego 2 kuri 2.

Umusifuzi yitabaje iminota 30 ngo arebe ko hari impinduka zaba, gusa ntibyatinze kuko ku munota wa 98 Valverde wari winjiye mu kibuga asimbuye, yaje gutsinda igitego cyasoje umukino, Real Madrid ibona tike yo gukina umukino wa nyuma itsinze Barcelona ibitego 3 kuri 2.

Undi mukino wa 1/2 uraba kuri uyu munsi nawo ubere kuri King Abdullah Sports City kuva ku isaha ya saa 21:00 PM Atletico Madrid yakira Athletic club.







TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND