Mu rwego rwo kwirinda Covid-19 ikomeje kwiyongera mu Rwanda n'ahandi, Ibiro bya Minisitiri w'Intebe byasohoye itangazo rikubiyemo ingamba nshya zo kwirinda iki cyorezo ziyongera ku zari zisanzwe zafatiwe mu Nama iheruka y'Abaminisitiri.
Ni ingamba zigomba gushyirwa mu bikorwa mu gihugu hose uhereye kuwa Mbere tariki 20 Ukuboza 2021 ariko zikaba zishobora kongera kuvugururwa igihe cyose bibaye ngombwa hashingiwe ku isesengura ry'inzego z'ubuzima.
Muri iri tangazo harimo ingingo ivuga ko "Ingendo zibujijwe guhera saa yine z'ijoro kugeza saa kumi za mu gitondo. Ibikorwa byemerewe gukora bizajya bifunga saa tatu z'ijoro". Harimo indi ivuga ko "Ibitaramo by'umuziki, kubyina na konseri (night clubs/live bands/karaoke and concerts) n'ibindi bitaramo by'imyidagaduro bibereye ahandi hose bibaye bihagaritswe".
Itangazo riturutse mu Biro bya Minisitiri w'Intebe ku ngamba zo kurwanya COVID-19.
Eng
RSS 
TANGA IGITECYEREZO