Uwabaye umukinnyi, n’umutoza wa Rayon Sports mu byiciro bitandukanye, Kayiranga Jean Baptiste, yamaze kurega Rayon Sports aho ayishyuza miliyoni zirenga 20 z’amanyarwanda hashize igihe kitari gito yaranze kuyamwishyura.
Nyuma
yo gutegereza, akanihangana igihe kitari gito, uyu munsi n’ejo akizezwa
ibitangaza ariko ibyo yasezeranyijwe ntibyubahirizwe, umunyabigwi wa Rayon
Sports akanaba umukozi wayo, Kayiranga Jean Baptiste yamaze kurega iyi kipe
kubera amafaranga imubereyemo yanze kumwishyura.
Amakuru
umwe mu bari iruhande rwa Kayiranga yahaye Inyarwanda.com, yavuze ko uyu mutoza
yafashe icyemezo cyo kurega iyi kipe kubera kunanirwa no kurambirwa guhora
yizezwa ibitangaza, anabeshywa ukwezi kugashira ukundi kukaza nta gikozwe,
abona byaba byiza bigeye mu nkiko akamenya igihe ntarengwa azishyurirwa.
Uyu
watanze amakuru yavuze ko Rayon Sports ibereyemo Kayiranga Baptiste miliyoni
zirenga 20 Frw, ndetse aya mafaranga akaba amaze igihe kitari gito atishyurwa.
Ku
ruhande rw’ubuyobozi bwa Rayon Sports, bwatangaje ko batarashyikirizwa ibaruwa
ibarega kugira ngo bamenye amafaranga yishyuza n’ibijyanye n’ibyo yasabye.
Rayon Sports ivuga ko Kayiranga wari umukozi wayo, ubu yasoje amasezerano yari yarasinyanye n’iyi kipe.
Kayiranga yatoje Rayon Sports nkuru mu bihe bitandukanye ndetse n'iyo hagiraga umutoza wirukanwa, Kayiranga yakunze guhita ahabwa inshingano zo gusigarana ikipe, ndetse akaba yatozaga ingimbi z'iyi kipe.
Kayiranga Baptiste yareze Rayon Sports imubereyemo amafaranga atari make
Eng
RSS 
TANGA IGITECYEREZO